काठमाडौँ । कोरोना भाइरसबाट काठमान्डौ उपत्यकामा १ सय ७२ सहित थप ६ सय ४१ जनामा कोरोना संक्रमित पुष्टि भएको स्वास्थ्य तथा जनसङ्ख्या मन्त्रालयले जानकारी दिएको छ ।
पछिल्लो जानकारी अनुसार गएको २४ घण्टामा १२ हजार २ सय ४७ जनामा पीसीआर परीक्षण गरिएकोमा ६ सय ४१ जनामा संक्रमणकोपुष्टि भएको हो ।
योसंगै नेपालमा कुल संक्रमित संख्या २६ हजार ६ सय ६० पुगेको छ । हाल ८ हजार आइसोलेशनमा र १५ हजार २ सय ४३ क्वारेन्टाइनमा रहेका छन् ।
गएको २४ घन्टामा १ सय ३४ जना कोरोना संक्रमित निको भएर घर फर्केका छन् । हालसम्म १७ हजार ३ सय ५३ जना संक्रमित घर फर्केको मन्त्रालयले जनाएको छ । हाल सक्रिय संक्रमितको संख्या ९ हजार २ सय २१ रहेको छ ।
आज पर्सामा थप एक पुरुष र मोरङ जिल्लामा एकजना महिलाको कोभिड–१९ कारणले मृत्यु भएको छ । यो संगै नेपालमा कोरोना संक्रमणका कारण मृत्यु हुनेको संख्या १ सय ४ पुगेको छ
