नयाँदिल्ली । भारतमा कोरोनाभाइरसबाट पछिल्लो २४ घण्टामा झण्डै ६१ हजार संक्रमित भेटिएका छन् ।
केन्द्रीय स्वास्थ्य तथा परिवार कल्याण मन्त्रालयले दिएको जानकारी अनुसार ६० हजार ९ सय ६३ जना संक्रमित भेटिएका हुन् । योसँगै भारतमा कुल संक्रमितको संख्या २३ लाखभन्दा बढी पुगेको छ ।
भारतमा कोरोनाकै कारण अहिलेसम्म ४६ हजार ९१ जनाको मृत्यु भएको छ । तीमध्ये ८ सय ३४ जनाको पछिल्लो २४ घण्टामा मृत्यु भएको हो ।
कुल संक्रमित २३ लाख २९ हजार ६ सय ३९ मध्ये छ लाख ४३ हजार ९ सय ४८ जना अझै पनि संक्रमित अवस्थामै रहेका छन् भने १६ लाख ३९ हजार छ सय जना निको भएका छन् ।
धेरै मृत्यु हुने मुलुकमा बेलायतभन्दा पछाडी रहेको भारत अहिले बेलायतको हाराहारीमा आइपुगेको छ । बेलायतमा मंगलबारसम्म कोरोनाबाट ४६ हजार ६ सय २८ जनाको मृत्यु भैसकेको छ ।
