नयाँ दिल्ली । भारतमा कोरोना भाइरस ‘कोभिड १९’ बाट संक्रमित हुनेको संख्या शुक्रबारसम्म १६ लाख नाघेको जनाइएको छ । गत २४ घण्टामा भारतका ५५ हजार ७९ जनामा कोरोना भाइरस पोजेटिभ देखिएपछि कुल संक्रमितको संख्या १६ लाख ३८ हजार ८ सय ७१ पुगेको त्यहाको केद्रिय स्वास्थ्य मन्त्रालयले शुक्रबार जानकारी दिएको छ ।
भारतमा गत २४ घण्टामा कोरोना भाइरसको संक्रमणका कारण ७ सय ७९ जनाको मृत्यु भएपछि कुल मृतकको संख्या ३६ हजार नाघेको छ । सरकारी अधिकारीका भारतमा कोरोना भाइरस संक्रमितमध्ये १० लाख ५७ हजार ८ सय ६ व्यक्ति निको भएर फर्किएका छन् । हाल भारतमा पाँच लाख ४५ हजार ३ सय १८ जना कोरोना भाइरस संक्रमित अवस्थामा रहेका छन् ।
भारतको महाराष्ट्र सबभन्दा प्रभावित बढी कोरोना भाइरस सङ्क्रमण राज्यका रुपमा रहेको छ । हाल महाराष्ट्रमा एक लाख ४८ हजार ४ सय ५४ जना संक्रमित अवस्थामा नै रुहेका छन् भने १४ हजार ७ सय २९ व्यक्तिको मृत्यु भइसकेको छ । कोरोना भाइरस प्रभावित भारतको दोस्रो राज्य तमिलनाडूमा ५७ हजार ९ सय ६२ सङ्क्रमित अवस्थामा रहेका छन् भने ३ हजार ८ सय ३८ जनाको मृत्यु भएको छ ।
राजधानी सहरसमेत रहेको दिल्ली राज्यमा १० हजार ७ सय ४३ जना संक्रमित अवस्थामा रहेका र ३ हजार र ९ सय ३६ जनाको मृत्यु भइसेकेको छ ।
