नयाँ दिल्ली। पछिल्लो २४ घण्टामा भारतमा ४९ हजार ३ सय १० जना कोरोना भाइरस संक्रमित थपिएका छन् । योसँगै भारतमा अहिलेसम्म कोरोनाभाइरसबाट संक्रमित भएकाहरुको संख्या १२ लाख ८७ हजार ९ सय ४५ पुगेको छ ।
कोरोना भाइरस संक्रमणको कारण एकैदिनमा ७ सय ४० जनाको मृत्यु भएको केन्द्रिय स्वास्थ्य तथा परिवार कल्याण मन्त्रालयले जनाएको छ । त्यसैसँगै भारतमा कोरोनाकै कारण मृत्यु भएकाको संख्या अहिलेसम्म ३० हजार ६ सय १ पुगेको छ ।
भारतमा अहिले पनि ४ लाख ४० हजार १ सय ३५ जना संक्रमित अवस्थामै रहेका छन् भने ८ लाख १७ हजार २ सय ९ जना संक्रमणमुक्त भएका छन् । कोरोनाबाट भारतमा सवैभन्दा धेरै प्रभावित भएको महाराष्ट्र राज्यमा ३ लाख ४७ हजार ५ सय २ जना संक्रमित भएका छन् ।
त्यसपछि तमिलनाडुमा १ लाख ९२ हजार ९ सय ६४ संक्रमित रहेका छन् । राजधानीसमेत रहेको दिल्ली प्रदेशमा १ लाख २७ हजार ३ सय ६४ जना कोरोना भाइरस संक्रमित रहेका छन् । त्यसपछि आन्ध्र प्रदेश,कर्नाटका र तेलङ्गानामा कोरोना भाइरस संक्रमितहरु अरु राज्यको तुलनामा बढी नै रहेको छ ।
