काठमाडौँ । नेपालमा कोरोनाको संक्रमणबाट थप दुईजनाको मृत्यु भएको पुष्टि भएको छ । धनुषाका ६० वर्षका एक पुरुषको विपी स्वास्थ्य प्रतिष्ठानमा उपचारको क्रममा साउन ६ गते मृत्यु भएको स्वास्थ्य तथा जनसङ्ख्या मन्त्रालयकाप्रवक्ता डा जागेश्वर गौतमले जानकारी दिएका छन् ।
यसैगरी ४९ वर्षीय चिनियाँ नागरिकको पनि काठमाडौंको ग्राण्डी अस्पतालमा उपचारकै क्रममा साउन ७ गते मृत्यु भएको प्रवक्ता गौतमले जानकारी दिएका छन् । योसँग नेपालमा कोरोनाको संक्रमणबाट मृत्यु हुनेका सङ्ख्या ४२ पुगेका छ ।
नेपालमा कोरोना संक्रमित
नेपालमा कोरोना संक्रमितको संख्या १८ हजार नाघेको छ । पछिल्लो २४ घन्टाभित्र नेपालमा कोरोना भाइरस कोभिड–१९ का थप १ सय जना नयाँ संक्रमित थपिएका छन् ।
योसंगै नेपालमा कोरोनाबाट संक्रमित हुनेको कूल संख्या १८ हजार ९४ पुगेको स्वास्थ्य तथा जनसङ्ख्या मन्त्रालयले नियमित पत्रकार सम्मेलनमा जानकारी दिएको छ ।
गएको २४ घण्टामा नेपालमा ३ हजार ७ सय ७९ जनामा नमूना सङ्कलन गरी परीक्षण गरिएको छ । नेपालमा कोरोनाको संक्रमण भएका २ सय ७ जना निको भएर घर फर्किएका छन् ।
योसंगै निको भएर घर फर्किनेको संख्या १२ हजार ६ सय ८४ जना पुगेको छ ।
