काठमाडौँ । पछिल्लो २४ घन्टाभित्र नेपालमा कोरोना भाइरस (कोभिड–१९) का थप १ सय ५० जना नयाँ संक्रमित थपिएका छन् ।
३ हजार ९ सय ६१ जनामा गरिएको थप परीक्षणबाट उक्त संक्रमित संख्या थपिएका स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन् ।
योसंगै नेपालमा कोरोनाबाट संक्रमित हुनेको कूल संख्या १७ हजार ९ सय ९४ पुगेको छ । काठमाण्डौ उपत्यकामा थप ९ जना कोरोना संक्रमित फेला परेका छन् ।
पछिल्लो २४ घन्टामा गरिएको परीक्षण अनुसार काठमाण्डौमा ८ जना र ललितपुरमा १ जनामा कोरोना पुष्टि भएको हो ।
यसैगरी पछिल्लो २४ घण्टामा ६ सय ९ जना कोरना संक्रमित निको भएर घर फर्केका छन् । अहिलेसम्म १२ हजार ४ सय ७७ जना कोरोना संक्रमितहरु निको भैसकेको स्वास्थ्य मन्त्रालयले जनाएको छ ।
जस अनुसार निको हुनेको संख्या ६९.३४ प्रतिशत हुन् आउँछ । हाल नेपालमा सक्रिय संक्रमितको संख्या ५ हजार ४ सय ७७ जना रहेको छ ।
नेपालमा भोजपुर, पाँचथर, संखुवासभा धनकुटा, रसुवा, मनाङ र मुस्ताङ गरि ७ वटा जिल्ला कोरोना भाइरस संक्रमणमुक्त भाएका छन् ।
