काठमाण्डौं । नेपालमा कोरोना भाइरस (कोभिड–१९) बाट संक्रमित हुनेको कूल संख्या १७ हजार ८ सय ४४ पुगेको छ ।
पछिल्लो २४ घण्टामा नेपालमा थप १ सय ८६ जनामा कोरोना भाइरस संक्रमित थपिएको स्वास्थ्य मन्त्रालयका प्रवक्ता डा जागेश्वर गौतमले जानकारी दिएका छन् ।
२४ घण्टामा १ सय ७३ जना कोरोना संक्रमित निको भएर घर फर्केका छन् । हालसम्म ११ हजार ८ सय ६८ जना संक्रमित निको भएका छन् ।
हालसम्म संक्रमितमध्ये ६६.५१ प्रतिशत निको भएको प्रवक्ता गौतमले बताएका छन् । पछिल्लो २४ घण्टामा ४ हजार २ सय १६ जनाको पीसीआर परीक्षण भएको छ ।
कोरोनाको आशंकामा नेपालमा हाल २२ हजार २ सय २८ जना क्वारेन्टाइनमा रहेका छन् । यसैगरी ५ हजार ९ सय ३६ जनामा कोभिड–१९ को संक्रमण सक्रिय रहेको छ ।
कोरोनाको संक्रमणका कारण हालसम्म नेपालमा ४० जनाले ज्यान गुमाइसकेका छन् ।
