काठमाडौँ । नेपालमा कोरोना भाइरसबाट थप १ सय १ जना संक्रमित भएका छन् । योसंगै नेपालमा कोरोनाबाट संक्रमित हुनेको सङ्ख्या १७ हजार ४ सय ४५ पुगेको छ ।
यसैगरी पछिल्लो २४ घण्टामा नेपालमा थप २ सय ८५ जना कोरोना संक्रमितहरु निको भएर घर फर्किएका छन् ।
हालसम्म नेपालमा ११ हजार ५ सय ३४ जना कोरोना संम्क्रमित निको भएर घर फर्किएको स्वास्थ्य तथा जनसङ्ख्या मन्त्रालयका प्रवक्ता डा जागेश्वर गौतमले जानकारी दिएका छन् ।
पछिल्लो चौबीस घण्टामा २७ वटा प्रयोगशालाबाट ४ हजार ६ सय ८८ जनाको पीसीआर परीक्षण गरिएको मन्त्रालयले जनाएको छ । नेपालमा कोरोना भाइरस संक्रमितको संख्या निको हुने दर ६६.१२ प्रतिशत पुगेको छ ।
हाल २२ हजार ७ सय ५६ जना क्वारेन्टाइनमा र ५ हजार ८ सय ७१ जना आईसोलेसनमा रहेका पनि मन्त्रालयले जानकारी दिएको छ ।
थप एकको मृत्यु
पछिल्लो २४ घन्टामा थप एकजान कोरोना संक्रमितको मृत्यु भाको छ । योसंगै नेपालमा कोरोनाको संक्रमणबाट मृत्यु हुनेको संख्या ४० पुगेको छ ।
सप्तरी जिल्लाको राजविराजका एकजना ७३ वर्षीय पुरुषको बिहीबार धरानस्थित बीपी कोइराला स्वास्थ्य विज्ञान प्रतिष्ठानमा भेन्टिलेटरमा उपचारको क्रममा मृत्यु भएको हो ।
डाइविटिज र मुटुको दिर्घरोगी ति वृद्ध असार ३१ गते ज्वरो र खोकीको समस्या देखिएपछि अस्पताल भर्ना भएका थिए ।
