काठमाडौ । नेपालमा गएको चौबीस घण्टामा कोरोना भाइरसका कारण थप १ सय १६ जना संक्रमित भएको स्वास्थ्य तथा जनसङ्ख्या मन्त्रालयका प्रवक्ता डा जागेश्वर गौतमले नियमित प्रेस ब्रिफिंग मार्फत जानकारी दिएका छन् ।
योसंगै नेपालमा कोरोनाभाइरसबाट संक्रमित हुने कूल संख्या सङ्ख्या १७ हजार ६१ पुगेको छ । पछिल्लो चौबीस घण्टामा ४ हजार ३ सय ६१ जनामा कोरोना भाइरसको परीक्षण गरिएको छ ।
मन्त्रालयका अनुसार हाल क्वारेन्टाइनमा २४ हजार ७ सय १६ जना र आइसोलेसनमा ६ हजार ६ सय ९५ जना रहेका छन् । जसमध्ये निको भएर घर फर्किनेको संख्या १० हजार ३ सय २८ पुगेको ।
हालसम्म नेपालमा कोरोना संक्रमणका कारण ३८ जनाको ज्यान गैसकेको छ ।
