काठमाडौँ । नेपालमा कोरोना संक्रमण पुष्टि भएका थप ३ जनाको मृत्यु भएको छ । योसंगै नेपालमा कोरोनाका कारण मृत्यु हुनेको संख्या ३८ पुगेको छ ।
मृत्यु हुनेमा २ जना काठमाण्डौका र एकजना सिन्धुपाल्चोकका रहेको स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले जानकारी दिएका छन् ।
प्रवक्ता गौतमका अनुसार काठमाण्डौ १० शंखमुलका म्रिगौलापीडित ६० वर्षीय पुरुष, काठमान्डौ गोकर्णेश्वरकै ५४ वर्षीय पुरुष र सिन्धुपाल्चोक पाँच पोखरीका ४५ वर्षीय पुरुषको पनि कोरोना संक्रमणका कारण मृत्यु भएको हो ।
गएको २४ घन्टामा नेपालमा थप ७० जनामा कोरोना संक्रमणको पुष्टि भएको छ । योसंगै नेपालमा कोरोना संक्रमितको कूल संख्या १६ हजार ७ सय १९ पुगेको छ ।
पछिल्लो चौबिस घण्टामा ३ हजार ६ सय ४८ जनामा कोरोनाको परीक्षण गरिएको छ । हाल क्वारेन्टाइनमा २४ हजार ८७ रहेका छन् भने पछिल्लो चौबिस घण्टामा ४ सय ३१ जना संक्रमित निको भई घर फर्केका छन् ।
आइसोलेसनमा रहेका बिरामीहरुको सङ्ख्या ८ हजार २ सय ३९ रहेको छ
