काठमाडौँ । नेपालमा हालौ सुरु भएको मनसुनका कारण भएको बाढी पहिरोबाट विभिन्न १२ जिल्लमा ४६ जनाले ज्यान गुमाएका छन् ।
पर्वत, पाल्पा, बझाङं, गुल्मीको इश्मा ,सिन्धुपाल्चोक, म्याग्दी, कास्की, जाजरकोट, लमजुङ, रुकुम पश्चिममा गएको पहिरोमा परि ३७ जना घाइते भएको गृह मन्त्रालयले जनाएको छ ।
यसैगरी हालसम्म ५८ जना वेपत्ता रहेको खबर साँझसम्म संकलन भएको छ । आज मात्र एक जनाको बाढीले बगाएर र २३ जनाको पहिरोमा परि मृत्यु भएको छ ।
२४ जना वेपत्ता छन् । सिन्धुपाल्चोकमा हालसम्म दुई जनाको मात्र शव फेला परे पनि अन्यको भेटिएको छैन् । पाँच जना घाइते काठमाडौँमा छन् । हालसम्म एक चिनियाँ सहित २१ जना वेपत्ता रहेका छन् ।
म्याग्दीमा पहिरोमा परि ३ जनाको मृत्यु भएकोे छ । एक जनाको बाढीले बगाएर मृत्यु भएको छ भने पाँच जना घाइते छन् । त्यहाँ २९ जना वेपत्ता रहेका छन् ।
आपतकालीन केन्द्रका अनुसार जाजरकोटमा सात जनाको शव फेला परेको छ । पाँच जना घाइते र पाँच जना वेपत्ता रहेका छन् । कास्कीमा सात जनाको शव फेला परेको छ भने १७ जना घाइते छन् ।
लमजुङमा तीनजनाको मृत्यु तीन जना घाइते रहेका छन् । गुल्मीको कुश्मा एक जना र रुकुम पश्चिमको आठबिसकोटमा दुई जनाको मृत्यु भएको छ ।
संघीय सरकार, स्थानीय तह र जिल्ला प्रशासन कार्यालय विपदपछिको उद्धार, राहत र उपचारमा जुटेका छन् ।
