काठमाडौँ । पछिल्लो २४ घन्टामा नेपालमा थप १ सय ८ जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले जानकारी दिएका छन् ।
योसँगै नेपालमा कोरोना संक्रमितको कूल संख्या १६ हजार ५ सय ३१ पुगेको छ । गएको २४ घण्टामा ४ हजार ५ सय ८८ जनामा पीसीआर परीक्षण गरिएको छ ।
हालसम्म २ लाख ७१ हजार ५ सय ४५ जनामा कोरोना परीक्षण गरिसकिएको छ । आज १ सय ३९ जना निको भएर डिस्चार्ज भएका छन् । योसँगै डिस्चार्ज हुनेको कूल संख्या ७ हजार ८ सय ९१ पुगेको छ ।
हाल क्वारेन्टाइनमा २४ हजार ४ सय २५ जना र आइसोलेसनमा ८ हजार ६ सय ५ जना रहेका छन् । ७७ वटै जिल्लामा कोरोना संक्रमण फैलिएकोमा पाँच वटा जिल्ला भने कोरोना संक्रमण मुक्त घोषित भएका छन् ।
धनकुटा, भोजपुर, सोलुखुम्बु, हुम्ला र मुस्तांगमा कोरोनाको कुनै पनि संक्रमण नभएको हुँदा कोरोना संक्रमणमुक्त जिल्ला घोषणा गरिएको प्रवक्ता गौतमले जानकारी दिए ।
