लन्डन । विश्वव्यापी महामारीको रुपमा फैलिएको कोरोना भाइरसले सबैलाई निराश बनाइरहेको बेला गायिका सिर्जु अधिकारीले कोरोनाकै सेरोफेरो अन्तर्गतको तीज गीतको भीडीयो आफ्नै युट्युब च्यानल मार्फत सार्वाजनिक गरेकीछन् ।
हिन्दू नारीहरुले महान पर्वको रुपमा मनाउंदै आएको यसपालीको तीजलाई कोरोनाको कहरसंग जोडिएको छ । गायिकाद्वय सिर्जु अधिकारी र माण्डवी त्रिपाठीको सुमधुर स्वरमा सजिएको ‘हाई मेरी पियारी’ बोलको गीतको शब्द संगीत सर्जक करण न्यौपानेको रहेको छ ।
गीतको संगीत संयोजन बिपिन आचार्यले गरेका हुन् । अशोक बि.क द्वारा निर्देशित यस गीतको भिडियो सम्पादन रबिन बि.क. ले गरेका छन् । भिडियोमा गायिका सिर्जु अधिकारी, रक्षा श्रेष्ठ र भीम पौडेलको अभिनय रहेको छ ।
कोरोनाका कारण अर्को सालको तीजमा मात्र भेट्ने बाचा गीत मार्फत गरिएको छ ।
तीज गीत ‘हाई मेरी पियारी’ को भिडियो हेर्नुहोस ।
