काठमाडौँ । नेपालमा कोरोना भाइरस (कोभिड १९) को संक्रमणबाट थप एकजनाको मृत्यु भएको छ । योसंगै नेपालमा मृत्यु हुनेको संख्या ३२ पुगेको छ ।
नयाँ बानेश्वरमा बस्ने ८५ वर्षीय एक पुरुषको कोरोना भाइरसका कारण निधन भएको हो । मृतक उच्च रक्तचाप र पार्किन्सनको विरामी रहेको स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले जानकारी दिएका छन् ।
राजधानीको एक निजी अस्पतातमा उपचारको क्रममा उनको मृत्यु भएको हो ।
पछिल्लो २४ घण्टामा देशभर थप ७ सय ४० जनामा कोरोना संक्रमण थपिएको छ । योसंगै नेपालम संक्रमितको संख्या १५ हजार २ सय ५९ पुगेको छ । पछिल्लो २४ घण्टामा ४ हजार ४ सय ८३ वटा नमूना परीक्षण गरिएको छ ।
अत्यधिक जोखिममा रहेका क्यान्सर र मधुमेहका बिरामी, आइसीयु र इमरजेन्सीमा आउने बिरामी, पकेट क्षेत्रका बासिन्दा र स्वास्थ्यकर्मीहरूको परीक्षणलाई थप प्राथामिकतामा दिइने प्रवक्ता गौतमले जानकारी दिएका छन् ।
