लन्डन । पछिल्लो समयमा निकै लोकप्रिय बन्न सफल शर्ट भिडियो एप ‘टिकटक’ लाई भारत सरकारले प्रतिबन्ध लगाएसंगै भारतमा निर्मित ‘चिंगारी’ एपले अहिले उत्तिकै चर्चा कमाएको छ ।

‘चिंगारी’ को एप अहिले एप स्टोर तथा प्ले स्टोरको टप फ्री मध्यको सर्वाधिक डाउनलोड गरिने एप अन्तर्गत पर्दछ ।

गएको दश दिनमा तीस लाख भन्दा बढीले सो एप डाउनलोड गरेका छन् । पछिल्लो ७२ घन्टामा मात्र ‘चिंगारी’ पाँच लाखले डाउनलोड गरेका छन् ।

उक्त एप अंग्रेजी, हिन्दी, बंगला,मराठी,कन्नाडा, पन्जाबी,मालायालम, तामिल र तेलगु लगायतका भाषामा उपलब्ध छ । चीनमा बनेका ५९ वटा एपलाई भारत सरकारले प्रतिबन्ध लगाएको थियो ।