लण्डन । विदेशको राहदानी भएका गैर आवासीय नेपालीहरुको लागि लकडाउनका अवसरमा नेपाल जान परेमा नेपाल सरकारले सहज बनाउँदै विदेशी राहदानीबाहक गैर आवासीय नेपालीहरुलाई नेपाल जना स्वीकृति दिएको छ ।
मन्त्रिपरिषद्को बिहीवार बसेको बैठकले ‘नेपाल आउनै पर्ने अवस्थामा रहेका नेपाली नागरिकका विदेशी राहदानीबाहक सन्तान, नेपाली नागरिकको विदेशी राहदानीबाहक पति वा पत्नी र स्वदेशमा आफन्तको काजकिरिया गर्न आउनुपर्ने नेपाली मूलका विदेशी राहदानीबाहकलाई सम्बन्धित नेपाली नियोगको सिफारिसमा नेपाल आउन’ स्वीकृति दिने निर्णय गरेको हो ।
सरकारको पछिल्लो निर्णयले विदेशबाट नेपाल जानैपर्ने बाध्यता भएका नेपाली मूलका विदेशी राहदानीबाहकलाई नेपाल फर्किन सजिलो हुने भएको छ ।
नेपाली दुतावास लण्डनका प्रवक्ता शरदराज आरणले सरकारको वेलायतबाट नेपाल आफ्न्तको लागि काजकिरिया गर्न जान चाहनेहरुले दुतावासमा सम्पर्क गर्न सक्ने बताएका छन् ।
उनले यसअघि पनि परराष्ट्र मन्त्रालयको सिफारीशमा केही अप्ठ्यारोमा परेका नेपाली मुलका विदेशी राहादनी लिएका गैर आवासीय नेपालीहरुलाई नेपाल पठाउन दुतावासले सहजिकरण गरेको जानकारी दिए ।
सरकारको पछिल्लो निर्णय निकै सकरात्मक भएको गैरआवासीय नेपाली संघ (एनआरएनए) का महासचिव डा. हेम राज शर्मा वताए ।
कोरोना भाइरसका कारणले विदेशमा कुनै पनि नेपाली अप्ठ्यारोमा पर्नु हुदैन् र उनीहरुको समस्या समाधान हुनु पर्छ भन्ने हाम्रो आग्रह थियो शर्माले भने ।
‘सरकारको तर्फवाट हाम्रो आग्रह सुनुवाई भएको छ यो स्वागत योग्य निर्णय हो डा. शर्माले भने अप्ठ्यारोमा परेका नेपालीहरुलाई सम्बन्धीत देशका नेपाली नियोगमा सम्पर्कमा राख्नु हुन अनुरोध गर्दछु’।
