कोरोनाभाइरस संक्रमणबाट बङ्गलादेशका रक्षा सचिव अब्दुल्लाह अल मोहसिन चौधरी को मृत्यु भएको छ ।
सोमबार स्थानीय समय अनुसार विहान ९.३० बजे उनको मृत्यु भएको मृत्यु भएको समाचार संस्था एएनआईले जनाएको छ । ढाकाको कम्बाइन्ड मिलिटरी हस्पिटलमा उनको उपचारका क्रममा निधन भएको हो ।
गत मे २६ मा अस्पताल भर्ना भएका चौधरीमा जुन ६ मा कोरोना सङ्क्रमणको पुष्टि भएको थियो । उनलाई जुन १८ मा इन्टेन्सिभ केयर यूनिट (आईसीयू) मा भर्ना गरिएको थियो ।
बङ्गलादेशमा एक लाख ४१ हजार भन्दा बढी कोरोनाभाइरसका सङ्क्रमित छन् । एक हजार ७ सय ८३ जनाको मृत्यु भैसकेको वर्ल्डओमिटरले जानकारी दिएको छ ।
