जीवन के गाउँले
लन्डन । रुकुम नरसंहारमा दलित भएका कारण हत्या गरिएका नवराज विक लगायत ६ जनाको सम्झनामा ‘जान्छु माया भेरी तरेर’ बोलको गीत सार्वजनिक भएको छ । एमएनटीभी अष्ट्रेलियाको प्रस्तुतिमा निर्मित उक्त गीत दिवसजंग शाहको शब्द तथा संगीत संयोजन जगदिपसिंह खातिले गरेका छन।
उक्त गीतको म्युजिक भिडियोको निर्देशन जीवन रसाईलीले गरेका हुन् । भिडियो निर्माणमा ग्रेस ईन्टरनेशनल र काठमाडौं कटेजले साथ दिएका छन् । अष्ट्रेलिया स्थित मेलबर्न शहरलाई पृष्ठभूमिमा राखेर गाइएको गीतमा नवराजको भावनालाई समेट्दै भनिएको छ, कालो रगत अर्को जन्म रातो भैदिओस् ।
विकका पृष्ठभूमिमा धेरै गीत बजार आएता पनि यस गीत अलि छुट्टै र मार्मिक भएको निर्देशक रसाईलीको दाबी छ।
पूरै गीत यहाँ भिडियोमा हेर्न सक्नुहुनेछ!
