गोर्खा अनलाइन रेडियो
काठमाडौँ । नेपालमा कोरोना भाइरस (कोभीड १९) का कारण संक्रमित हुनेको संख्या १ हजार ४ सय एक पुगेको स्वास्थ्य तथा जनसङ्ख्या मन्त्रालयले जानकारी दिएको छ ।
शनिबार थप १ सय ८९ जनामा कोरोना संक्रमण भएको पुष्टि भएको हो । हालसम्म सङ्क्रमित हुनेमा पुरुष १ हजार २ सय ८८ जना र महिला १ सय १३ जना रहेका ।
आज थप हुनेमा कपिलबस्तु ११४, धनुषा ७, झापा १, ललितपुर १, महोत्तरी ४, रौतहट ६, सर्लाही १७, सिराहा ११, सप्तरी ९, दाङ ५, दैलेख १४, पर्सा २, बारा १ र संखुवासभाका २ जनालाई सङ्क्रमित पुगेको छ ।
अहिलेसम्म नेपालमा कोरोनका कारण ६ जनाले ज्यान गुमाइसकेका छन् । तेस्तै आज थप १३ जना निको भएर डिस्चार्ज भएका छन् । यो संगै निको हुनेहरुको संख्या २ सय १९ पुगेको छ ।
पछिल्लो जानकारी अनुसार हालसम्म नेपालमा कोरोनाबाट ५३ वटा जिल्लाहरु संक्रमित भएका छन् ।
