गोर्खा अनलाइन रेडियो, लन्डन
गैरआवासीय नेपाली संघको भाषा, साहित्य, सस्कृती तथा सम्पदा प्रबर्द्धन समितीले प्रवासी प्रवाह , अनलाइन साहित्य कार्यक्रम सुरु गर्ने भएको छ । यहि मे १७ अर्थात जेठ ४ गते आइतबार देखि साप्ताहिक अनलाइन साहित्यक कार्यक्रम ” प्रवासी प्रवाह ” को आरम्भ गरिने भएको छ ।
मे १७ आइतबारबाट नेपाल समय बेलुकी ८ बजे देखि हुने र त्यसमा एनआरएनएका अध्यक्ष कुमार पन्तको शुभकामना मन्तब्य बाट शुभारम्भ हुने भएको छ । तेस्तै साहित्यकार जिवा लामिछाने ( जर्मनी ),गोपाल रेग्मी (अमेरिका) र उषा शेरचन ( नेपाल ) सङ्ग बिशेष कुराकानी र उहाहरुका रचनाहरु बाचन गरिनेछ ।
समितिका अध्यक्ष हिक्मत थापाका अनुसार प्रवासको नेपाली साहित्यलाई थप क्रियाशिल बनाउन यो कार्यक्रम प्रारम्भ गरिएको हो । समितिले यसका साथै गैरआवासीय नेपाली लेखकहरुका रचना समेटिएका नियात्रा संग्रह र गजल संग्रहको समेत प्रकाशनको तयारी गर्दैछ । यस अनलाइन कार्यक्रमको संयोजन र संचालन भगवती बस्नेतले गर्दैछिन ।
