नरेन्द्र बस्नेत/ राटोपाटी
कोरोना भाइरस अपडेट
मृत्यु हुनेहरुमा ५२ जना पुरुष र ११ जना महिला रहेका छन् । सबैभन्दा बढी मृत्यु हुनेहरुमा भूतपूर्व गोर्खा सैनिक तथा तिनका परिवारका सदस्यहरु रहेका छन् । अहिलेसम्म ५२ जना पूर्व गोर्खा सैनिक तथा तिनका परिवार र ११ जना गैर गोर्खाहरु रहेको दूतावासले जानकारी दिएको छ ।
हालसम्म बेलायतको सबैभन्दा कम उमेरमा कोरोनाको संक्रमणका कारण निधन हुनेमा बेलायतको ननिटन निवासी ३२ वर्षीय बिमा नाछिरिंग राई रहेकी छन् । निधन हुनेमा प्राय ७० वर्षभन्दा माथिका रहेका छन् । तेस्तै गैर आवासीय नेपाली संघ यूकेले अप्रिल १३ तारिखसम्मको तथ्याङ्क सार्वजनिक गरेको छ जसअनुसार ६१ जनाको कोरोनाको संक्रमणबाट निधन भएको छ भने ७ सय ४७ जना नेपालीमा कोरोनाको संक्रमण भएको बताएको छ ।
कोरोना संक्रमणका कारण १ सय १५ जना अस्पताल भर्ना भएको र १७ जना नेपालीहरु अहिले अस्पतालमा उपचार गराइरहेको तथ्याङ्कमा उल्लेख छ । एनआरएन यूकेको पछिल्लो तथ्याँकको बारेमा चाडै नै जानकारी गराउने एनआरएन यूके हेल्पलाइनका संयोजक एवम् एनआरएनए यूके सचिव जीत रानाभाटले बताए ।
एनआरएन यूके हेल्पलाइनद्वारा हप्तामा एक वा दुइपटक सम्म कोरोना संक्रमित बेलायतवासी नेपालीहरुको तथ्याँक सार्वजनिक गरिंदै आएको छ । तेस्तै बिहीबार दिउँसोसम्म बेलायतमा कुल ३३ हजार ६ सय १४ जानाको कोरोनाको संक्रमणका कारण ज्यान गइसकेका छ भने विश्वभरिमा तीन लाख भन्दा बढीको ज्यान गैसकेको छ ।
