नरेन्द्र बस्नेत / रतोपाटी
कोरोना भाइरस अपडेट
सबैभन्दा बढी मृत्यु हुनेहरुमा भूतपूर्व गोर्खा सैनिकहरु रहेको छन् । अहिलेसम्म ४९ जना पूर्व गोर्खा सैनिक तथा ११ जना गैर गोर्खाहरु रहेका छन् । तेस्तै २० जनाको लन्डनभित्र र बाँकी ४० जनाको लन्डनभन्दा बाहिरका स्थानमा निधन भएको दूतावासले जनाएको छ । मृत्यु हुनेमा धेरैजसो ७० वर्षमाथिका छन् ।
नेपाली दूतावास लन्डन र गोर्खा वेल्फेयर ट्रष्ट, भूतपूर्व गोर्खाका संघसंस्था लगायतको संयुक्त प्रयासमा उक्त तथ्याँक सार्वजनिक गरिएको हो । विश्वभरिमा हालसम्म कुल ८७ जना नेपालीहरुको कोरोनाको कारण ज्यान गैसकेको छ । संयुक्त राज्य अमेरिकामा कोरोना भाइरसका कारण ज्यान गुमाउनेको संख्या १५ पुगेको छ ।
न्युयोर्कमा १२, कोलोराडोमा दुई र भर्जिनियामा एक जनाको मृत्यु भएको छ भने संयुक्त अरब इमिरेट्स (युएइ) मा ६ तथा आयरल्याण्ड, जापान, टर्की, नेदरल्याण्डस, बहराइन र स्वीडेनमा एकएक जनाको कोरोना भाइरसका कारण ज्यान गएको एनआरएनएले जनाएको छ । कोरोनाबाट सबैभन्दा बढी निधन हुने मुलुकमा बेलायत अमेरिकापछि दोस्रो स्थानमा छ भने युरोपीयन मुलुकमा पहिलो स्थानमा रहेको छ ।
हालसम्म बेलायतमा मात्र कोरोनाको संक्रमणबाट ३२ हजार भन्दा बढीको निधन भैसकेको छ ।
