गोर्खा अनलाइन रेडियो
लन्डन । ‘तिमी बस्नु तिम्रै घरमा भइ लकडाउन, खुल्ला छैन भुन्टी तिम्लाई यो मुटुको टाउन’ कोरोना भाइरस (कोभीड १९) को माहामारीका कारण देश लकडाउन भएपनि नेपाली कलाकारको सांगीतिक सृजनालाई भने लकडाउनले खासै असर पारेन ।
लकडाउनको पीडामा बसेकाहरुको लागि गायक खुमन अधिकारी र प्रिती आलेको स्वर रहेको ‘लकडाउनको डोरी’ बोलको एउटा रमाइलो लोकदोहोरी गीतको म्यूजिक भिडियो सार्वजनिक भएको छ । जनचेतनामूलक यस गीतको म्यूजिक भिडियोमा महानायक राजेश हमालदेखि लिएर थुप्रै राष्ट्रिय कलाकारहरुलाई देख्न सकिनेछ ।
माधव न्यौपानेको शब्द तथा गायक खुमन अधिकारीको संगीत रहेको यस गीतको संगीतसंयोजन कृष्ण बिके(भान्जा) ले गरेका हुन् । भिडियोमा राजेश हमाल, कोमल ओली, शंकर बिसी, शृष्टि खड्का, रमेशराज भट्टराई, माधव न्यौपाने, खुमन अधिकारी, प्रिती आले, अन्जली अधिकारी, देवी घर्ती, चन्द्र शर्मा, चक्र बम, कृष्ण बिके, टंक तिमिल्सिना, बिक्रम चौहान, रीना थापा, पुजन घिमिरे, साजन धामी, टीका जैसी, पनिशा पोखरेल, काजिश श्रेष्ठ, कृष्टी पुन श्रेष्ठ, सरिश्मा मगर, शोभा थापा र टेकराज अच्छामी लगायतले शंदेशमूलक प्रस्तुति दिएकाछन् ।
