गोर्खा नालाइन रेडियो
माल्टा । नेपाली जनसम्पर्क समिती माल्टा र माल्टा नेपाल फ्रेन्डशिप एसोसिएसनले कोरोना संक्रमण विरुद्द लड्न माल्टाको अस्पतालमा सहयोग गरेका छन् । विश्वव्यापी महामारीको रुपमा फैलिएको कोरोना भाइरस (कोभीड १९) को संक्रमणले गर्दा सम्पूर्ण विश्व नै समस्यामा परेको छ ।
उपचारमा समलाग्न सुरक्ष्याकर्मीहरुलाई आवश्यक पर्ने पर्सनल प्रोटेक्सन इक्वीपमेन्ट(पीपीई) को अभावले उनीहरु आफ्नो ज्यानलाई जोखिममा पारेर काम गर्न बाध्य भएका छन् । सोहि अवस्थालाइ मध्यनजर गर्दै नेपाली जनसम्पर्क समिती माल्टाले प्रवासमा बस्ने नेपालीहरुमा राहत बितरणको लागि गैर आवासीय नेपाली संघ माल्टासँग सहकार्य गर्ने भएको छ ।
अफू बसेको देशमा पनि केही गर्न सकिन्छ र गर्नुपर्छ भन्ने भावनाका साथ आज माल्टामास्थित स्नट भिनचेन्ट डि पाउला अस्पताललाई १ सय ५१ थान फेस भाइजर हस्तान्तरण गरेका छन् ।
नेपाली जनसम्पर्क समिती माल्टाको कोषाध्यक्ष शंकर खत्रीले दिएको जानकारी अनुसार, नेपाली जनसम्पर्क समिती माल्टा र नेपाल माल्टा फ्रेन्डशिप एसोसिएसनको संयुक्त पहलमा उक्त कार्य गरिएको थियो ।
कार्यक्रममा नेपाल माल्टा फ्रेन्डशिप एसोसिएसनका उपसभापति सोम सापकोटाले प्रवासमा रहेर पनि रचनात्मक काम गरेर विश्वलाई कोरोनाको महामारीबाट लड्न सहयोग पुर्याउन सकिने बताएका थिए ।
नेपाली जनसम्पर्क समिती माल्टा र माल्टा नेपाल फ्रेन्डशिप एसोसिएसनद्वारा हस्तान्तरन गरिएका फेस भाइजर लिदैं अस्पतालका निर्देशक जोस्टसियन कटायरले सबै माल्टा बस्ने नेपालीहरुलाइ यस सह्रानिय कार्यका लागी धन्यवाद ज्ञापन गरेका थिए ।
जनसम्पर्क समिती माल्टाका उपसभापती रेमलाल खनाललको संयोजनमा सभापती सन्देश केशीले उक्त सहयोग हस्तान्तरण गरेको नेपाली जनसम्पर्क समिती माल्टाका महामन्त्री उज्जवल केशीले जानकारी दिएका छन् ।
