गोर्खा अनलाइन रेडियो
लन्डन । नेपाली नयाँ वर्ष २०७७ को आगमनसंगै आफ्नो प्रकाशनको औपचारिक यात्रा शुभारम्भ गरेको नेपाली लिंक डटकम न्यूज पोर्टललाई राजदूतसहित विभिन्न एनआरएनए अभियन्ता र पत्रकारले सफलताको शुभकामना दिएका छन् ।
बेलायतका लागि नेपाली राजदूत डा. दुर्गाबहादुर सुवेदी, एनआरएनए केन्द्रिय अध्यक्ष कुमार पन्त, एनआरएनए यूके अध्यक्ष पुनम गुरुङ र नेपाल पत्रकार महासंघ बेलायत अध्यक्ष नरेश खपांगी मगरले बेग्लाबेग्लै भिडियो सन्देशमा नेपाली लिंक डट कमको सफलताको शुभकामना दिएका हुन् ।
बेलायतका लागि नेपाली राजदूत डा. दुर्गाबहादुर सुवेदीले नेपाली लिंकको सञ्चार यात्रामा सहयोग गर्न दूतावास सदैव सहर्ष तत्पर रहेको बताउंदै व्यक्त भिडियो सन्देश यसप्रकार छ ।
एनआरएनए अध्यक्ष कुमार पन्तले नेपाली लिंकले गैर आवासीय नेपाली संघको अभियानमा महत्वपूर्ण भूमिका निर्वाह गर्ने अपेक्षा सहितको भिडियो सन्देश यसप्रकार छ ।
चाहे यूके,नेपाल वा विश्वको जुन कुना होस्, अहिले यथार्थपरक र तथ्यपरक सूचनाको अत्यन्त खांचो रहेको बताउंदै नेपाल पत्रकार महासंघ बेलायत अध्यक्ष नरेश खपांगी मगरद्वारा व्यक्त भिडियो सन्देश ।
नेपाली लिंकले संसारभर छरिएर रहेका गैर आवासीय नेपालीहरुलाई मातृभूमि नेपाल र नेपालीबीच लिंकको रुपमा काम गर्ने आशा राख्दै एनआरएनए यूके अध्यक्ष पुनम गुरुङद्वारा व्यक्त भिडियो शन्देश ।
