लन्डन । कोरोना भाइरसबाट संक्रमण भएको दशौं दिनसम्म पनि अस्वस्थ रहेपछि बेलायतका प्रधानमन्त्री बोरिस जोन्सनलाई आइतबार साँझ लण्डनको सेन्ट थोमस अस्पतालमा भर्ना गरिएको थियो । सास फेर्न भएको कठिनाइका कारण ५५ वर्षीय जोन्सनलाई सोमबार साँझ ७ बजे आइसियू कक्ष ( इन्टेन्सिभ केयर युनिट) मा सारिएको थियो ।

प्रधानमन्त्रीको कार्यालय १० डाउनिंग स्ट्रिटले आज दिएको  जानकारी अनुसार उनलाई निमोनिया नभएको र श्वासप्रश्वासको लागि बिना साधन उनि आफै सक्षम रहेको जनाएको छ । गएराति उनको स्वास्थ्य स्थिति सामान्य रहेको र उनलाई सामान्य अक्सिजनको प्रयोग गरिएको प्रधानमन्त्रीका प्रवक्ताले बताएका छन् । उनको उपचारमा भेन्टिलेटरको प्रयोग आवश्यक नपरेको पनि बताइएको छ ।

बेलायतकी महारानीले एलिजाबेथले  प्रधानमन्त्री  तथा उनकी गर्भवती प्रेमिका क्यारी साइमोंडको शिघ्र स्वास्थ्य लाभको कामना गर्दै एक शन्देश पठाएकी थिइन् । बेलायतमा कोरोना भाइरस संक्रमणका कारण 5 हजार भन्दा बढीको ज्यान गैसकेको छ ।