गोर्खा अनलाइन रेडियो
लन्डन । कोरोना भाइरस विरुद्धको कानून उलंघन गरेको आरोपमा प्रहरीद्वारा पक्राउ गरिएकी महिलालाई मजिस्ट्रेट कोर्टले ६ सय ६० पाउण्ड जरिवाना गरेको छ । न्यूकासल रेल्वे स्टेशनमा भेटिएकी ४१ वर्षीय म्यारी डिनोले आफू बाहिर निस्केको उचित कारण बताउन इन्कार गरेपछि उनलाई पाक्राउ गरिएको प्रहरीले बताएको छ ।
कोरोना भाइरसको नयां नियमको उलंघन र टिकट जालसाजी गरेको आरोपमा पक्राउ गरेको दुई दिनपछि उनलाई अदालतमा उपस्थित गराइएको थियो । उनले दुवै अपराधलाई अस्विकार गरेपनि उनि दोषी सावित भएकी थिइन् । टिकट जालसाजी गरेवापत ८० पाउण्ड जरिवाना गरिएको थियो भने कोभीड-१९ को नयां नियम उलंघन गरेको र बिना कारण घरबाट बाहिर निस्केकोमा ६ सय ६० पाउण्ड जरिवाना गरिएको स्काई न्यूजले बताएको छ ।
२८ मार्च शनिबारका दिन साँझ ८ बजे न्यूकासल रेलवे स्टेशनको प्लेटफार्ममा देखिएकी ति महिलाई रेल्वे स्टाफले प्रहरीलाई खबर गरेपछि उनलाई पक्राउ गरिएको थियो ।
