Breaking News
Home > Blog > स्कटल्याण्डको सिमला प्यालेसमा नेपाल भ्रमण वर्ष पर्यटन प्रबर्धन कार्यक्रम सम्पन्न-फोटो फिचर

स्कटल्याण्डको सिमला प्यालेसमा नेपाल भ्रमण वर्ष पर्यटन प्रबर्धन कार्यक्रम सम्पन्न-फोटो फिचर

Listen Gurkha Radio (गोर्खा रेडियो सुन्नुहोस)

गोर्खा अनलाइन रेडियो
लन्डन । स्कटल्याण्डको काउडेनवीथस्थित सिमला प्यालेसमा नेपाल भ्रमण वर्ष २०२० सम्बन्धि पर्यटन प्रवर्धन कार्यक्रम गरिएको छ । नेपाली राजदूतावास लण्डनले सिमला प्यालेस स्कटल्याण्डको सहकार्यमा काउडेनवीथस्थित सिमला प्यालेसमा नेपाल भ्रमण वर्ष २०२० सम्बन्धि पर्यटन प्रबर्धन कार्यक्रम सम्पन्न गरेको हो ।

स्थानीय स्कटिष्ट नागरिक सहित करिब डेढ सय जनाको सहभागिता रहेको सो कार्यक्रममा काउडेनवीथका काउन्सिलर डारेन वाटले नेपाल भ्रमण गर्न आफू इच्छुक रहेको बताएका थिए । नेपाल भ्रमण वर्षलाई सफल पार्न आफ्नो तर्फबाट पूर्ण रुपमा सहयोग रहने पनि वाटले बताए ।

नेपाली दूतावास लन्डनका उपनियोग प्रमुख शरदराज आरनले पर्यटन प्रबर्धन गर्दै नेपाल भ्रमण वर्ष २०२० लाई सफल पार्न सिमला प्यालेसले पुर्याएको योगदानको सह्राना गर्दै सम्पूर्ण स्कटिष्ट नागरिकहरुलाई आफू र आफन्तसहित नेपाल भ्रमणमा जानको लागि आग्रह गरेका थिए । आरनले नेपाल भ्रमण वर्ष २०२० सम्बन्धि विशेष जानकारीमूलक पावरपइन्ट प्रस्तुत गरेका थिए ।

नेपाल भ्रमण वर्षलाई प्रबर्धन गर्ने खालका विभिन्न ४ ओटा भिडियोहरुको प्रस्तुती गरिनुका साथै नेपाली नृत्य समेत प्रस्तुत गरिएको थियो । नेपाल भ्रमण वर्ष २०२० लाई सफल पार्न नेपाली दूतावास लण्डनले गत वर्ष देखि नै विभिन्न कार्यक्रमहरुको आयोजना गर्दै आइरहेको छ ।
फोटो – नेपाली दूतावास लन्डन

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1