गोर्खा अनलाइन रेडियो,
लन्डन । गैर आवासीय नेपाली संघ बेलायतकी उपाध्यक्ष रोजिनाप्रधान राईले ‘सामाजिक संघ संस्था समन्वय विभाग’ गठन गरेकी छन् । एनआरएनए यूकेको ८ डिसेम्बरमा सम्पन्न बैठकले रोजिनालाई उक्त विभागको संयोजक तोकेको थियो ।
एनआरएनए यूकेको ‘विभाग गठन तथा कार्यसञ्चालन कार्यविधि २०१९’ ले निर्दृष्ट गरे अनुसार आगामी २ वर्षका लागि गठन गरिएको विभागमा संयोजक रोजिना प्रधान राई, सदस्य सचिव विष्णु चालिसे, डा. राजेन्द्र थापा, पवन शर्मा, हेम लिम्बु, जीवन सेन, भगवती रानाभाट, ओजेश सिंह र राजेन्द्र गुरुङ छन् ।
त्यसैगरि सल्लाहकारहरुमा रामशरण सिम्खडा, ले. (रि) चन्द्रबहादुर गुरुङ, डा. मुकुन्द बास्तोला, महेश अधिकारी र यादव श्रेष्ठ छन् ।सामाजिक क्रियाकलाप सञ्चालन र यसको समुचित तरिकाले एनआरएनए यूकेसंग संयोजन गर्न सहयोग पुग्ने हिसाबले संघसंस्था सवलीकरणमा योगदान पुरयाएका व्यक्तिलाई विभागमा ल्याइएको संयोजक रोजिनाले एक विज्ञप्तिमार्फत जनाएकी छन् ।
