गोर्खा अनलाइन रेडियो,लन्डन
मंगलबार दशरथ रंगशालामा भएको १३ औँ दक्षिण एसियाली खेलकुद (साग) अन्तर्गत पुरुष फुटबलमा भुटानविरूद्धको खेलमा नेपालले २–१ को जित निकाल्दै स्वर्ण पदक जित्न सफल भएको हो ।
नेपालका लागि खेलको १६ औं मिनेटमा अभिषेक रिजालले सिक्सयार्ड बक्सभित्र मौका पाएपछि दाहिने खुट्टाले गोल हानेका थिए।
कप्तान तथा स्ट्राइकर घाइते भएर मैदान बाहिर निस्कनेबित्तिकै विंगर रिजालले नेपाललाई अग्रता दिलाएका थिए। खेलको ३७ औं मिनेटमा भुटानी कप्तान चेन्चो ग्याल्सेनले गोल फर्काएर बराबरीमा ल्याए।
खेलको ५३ औं मिनेटमा सुनिल बलले हेडिङबाट गोल थपे ।
सुनिलको गोल नै खेलका लागि अन्तिम गोल रह्यो । अघिल्लो खेलमा नेपालले भुटानमाथि ४–० को जित हासिल गरेको थियो ।
फोटो साभार अनलाइन
