बम बनाउँदै गर्दा पड्केर घाइते भएकाहरूलाई इँटाभटामा ज्युँदै पोलेर मारेको आरोप लागेका नेपाली कांग्रेसका सांसद मोहम्मद अफताब आलमले पोलीग्राफ परिक्षण गर्न अस्वीकार गरेका छन्।
‘हामीले पोलिग्राफ टेस्ट गर्न उहाँको सहमती खोजेका थियौं तर उहाँले मान्नु भएन’, प्रहरी श्रोतले सेतोपाटीलाई भन्यो।
यसलाई भरपर्दो प्रमाण नमानिए पनि कुनै व्यक्तिले घटनाका बारेमा साँचो-झुटो के बोल्यो भन्ने पत्ता लगाउन यो प्रविधि र परिक्षणले धेरै सघाउ पुर्याउँदै आएको छ।
यसैगरी उनको सरकारी वकिलसमक्षको बयान सकिएको छ। बयानका क्रममा उनले १२ वर्ष अगाडि घटेको सो घटना घट्दै नघटेको बताएका छन्।
यसक्रममा सोधिएका सबै प्रश्नमा आलमले इन्कारी बयान दिदैं आफूले घटनामा मारिएका र जाहेरीवालाहरूलाई चिन्दैनचिन्ने बताएको प्रहरी श्रोतले सेतोपाटीलाई जानकारी दिएको छ।
सेतोपाटी
