Breaking News
Home > Blog > एटीएम ह्याक प्रकरण : तत्काल पैसा कसरी निकाल्ने

एटीएम ह्याक प्रकरण : तत्काल पैसा कसरी निकाल्ने

Listen Gurkha Radio (गोर्खा रेडियो सुन्नुहोस)

काठमाडौं : काठमाडौंमा एटीएम ह्याक प्रक।रण सार्वजनिक भएपछि धेरै प्रयोगकर्ता तनावमा छन्। अधिकांश बैंकका एटीएममा पैसा निकाल्नेको लाइन देखिन्छ । तर एटीएमले काम गरेको अवस्था छैन।

धेरैको एउटै चिन्ता छ, अब पैसा कसरी निकाल्ने ? यसको स्पष्ट जवाफ बैंकले पनि दिन सकेका छैनन्। कतिपय बैंकले एटीएम सेवा तत्कालका लागि बन्द भएको सूचना टाँस गरेका छन्। राष्ट्र बैंकका प्रवक्ता लक्ष्मीप्रपन्न निरौलाका अनुसार तत्कालका लागि नेप्समा आबद्ध बैंकका एटीएम कार्ड अरु बैंकका एटीएम मेसिनमा प्रयोग गर्न बन्द गरिएको छ। तर सोही बैंकको एटीएमबाट भने पैसा निकाल्न सकिन्छ।

नेपाल इलेक्ट्रिक पेइमेण्ट सिस्टम लिमिटेड (नेप्स)को कार्ड प्रयोग गरेर भीसा कार्यको प्रयोग गर्ने बैंकका एटीएमबाट पैसा झिकिएको प्रहरीको प्रारम्भिक अनुसन्धानमा देखिएको छ। अहिले प्रभु, सनराइज, माछापुच्छ«े, जनता, सिद्धार्थ, सिटिजन्स, एनआईसी एसिया, बैंक अफ काठमाण्डू, प्राइम, नेपाल बंगलादेश र ग्लोबल आईएमई बैंक नेम्स प्रणालीमा आबद्ध छन्।

त्यस्तै देवः विकास, ज्योति विकास, ओम डेभेलपमेण्ट, शाइनरेसुङ्गा, सांग्रिला डेभेलपमेण्ट, एक्सेल डेभेलपमेण्ट र लुम्बिनी विकास बैंक पनि यस सञ्जालमा आबद्ध छन्।

ह्याकरले ती बैंकको नक्कली एटीएमकार्ड बनाएर भिसा प्रणाली सञ्चालन गर्ने नबिल, नेपाल एसबीआई, सानीमा, एनएमबीलगायत थुप्रै बैंक तथा वित्तीय संस्थाको एटीएमबाट पैसा निकालेको प्रहरीले बताएको छ।

सबै बैंकले शंकास्पद कारोबारको विवरण प्रहरीलाई बुझाइसकेका छन्। त्यसमाथि छानबिन भइरहेको प्रहरीले बताएको छ ।
अन्नपूर्ण पोष्ट

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1