गोर्खा अनलाइन रेडियो यूके,
लन्डन । नेपाली नारीहरुको लोकप्रिय तथा महान सांस्कृतिक पर्वको रुपमा परिचित हरितालिका तीजको अवसर पारेर नेप्लिज लेडिज कम्युनिटी हंस्लोले तीज कार्यक्रम २०१९ सम्पन्न गरेको छ । गत शनिबारका लन्डनको हंस्लोस्थित आशियाना ब्यांक्वेटिंग हलमा आयोजना गरिएको सो तीज कार्यक्रम भव्य रुपमा सम्पन्न भएको छ । नेप्लिज लेडिज कम्युनिटी हंस्लो (एनएलसीएच) ले प्रत्यक वर्ष तीज कार्यक्रम लगायतका विभिन्न कार्यक्रमहरुको आयोजना गर्दै आएको छ । सामाजिक कार्यमा समेत संलग्नता जनाउंदै आएको नेप्लिज लेडिज कम्युनिटीद्वारा थुप्रै सह्रानीय कार्यहरु गर्दै आइरहेको छ । उक्त तीज विशेष कार्यक्रममा काउन्सिलर बिष्णु गुरुङ, गोर्खा नेप्लिज कम्युनिटी हंस्लोका अध्यक्ष डोल मल्ल लगायत अन्य थुप्रै सामाजिक अभियन्ताहरुको सहभागीता रहेको थियो । विशेषगरि महिलाहरुको तीज कार्यक्रम भएतापनि दाजुभाईहरुलाई समेत निमन्त्रणा गरिएको हुँदा पुरुषहरुको पनि उल्लेखनीय उपस्थिति रहेको थियो । डीजे चांद लामाले संगीत संयोजनको भूमिका निर्वाह गर्दै विभिन्न तीजका गीतहरु मार्फत मनोरंजन दिलाएका थिए । संस्थाकी अध्यक्ष देवी रानी गुरुंग र काउन्सिलर बिष्णु गुरुङले संयुक्त रुपमा पानसमा बत्ति बालेर कार्यक्रमको उद्घाटन गरेका थिए । कार्यक्रमको अन्तिम चरणमा राफल ड्रा खोलिएको थियो । प्रथम पुरस्कारमा सुनको तिलहरी राखिएको थियो जसलाई श्री सन्तोषी माँ ज्वेलर्स हंस्लोले प्रायोजन गरेको थियो । द्वितीय पुरस्कार गोर्खा बेद एण्ड ब्रेकफाष्ट काठमान्डौले प्रायोजन गरेको थियो । तेस्तैगरि ड्रिम्ज ब्युटी एण्ड सैलुनद्वारा तृतीय पुरस्कारको प्रायोजन गरिएको थियो । नेपाली मौलिक परम्परालाई निरन्तरता दिने उद्देश्यले तीज लगायतका कार्यक्रमहरु आफ्नो संस्थाले गर्दै आएको संस्थाकी अध्यक्ष देवी रानी गुरुंगले बताइन । बाँकी फोटो हेर्नको लागि यहाँ क्लिक गर्नुहोला</strong>