काठमाडौँ — मनी एक्सेन्जरबाट साउदी रियाल साटने बहानामा ९ सय डलर, ३ हजार साउदी रियाल र १४ सय चिनियाँ मुद्रा चोर्ने दुई पाकिस्तानीलाई महानगरीय प्रहरी अपराध महाशाखाले पक्राउ गरेको छ ।
प्रहरीले मोहसिन खान र पूजा मोहसिन खानलाई राजधानीको झोंछेबाट पक्राउ गरेको हो ।
पक्राउ परेकाहरू यसअघि पनि चोरीमा संग्लन रहेको प्रहरीले जनाएको छ । उनीहरू वैशाख २९ गते भक्तपुरको सूर्यविनायकमा रहेको आरके इलेक्ट्रोनिक्सबाट ३० हजार, सोही दिन लोकन्थलीको हेका किचन स्टोर्सबाट ७० हजार र राइजिङ स्पोर्टर्स ग्यालरीबाट १ लाख ५० हजार चोरी गरेको आरोपमा पक्राउ परी वैशाख ३१ गते जनही ५० हजार धरौटीमा छुटेका थिए ।
कान्तिपुर
