Home > Blog > राष्ट्रिय सुरक्षाका विषयमा सबै दलसँग छलफल गर्नुपर्छ : नेता सिंह

राष्ट्रिय सुरक्षाका विषयमा सबै दलसँग छलफल गर्नुपर्छ : नेता सिंह

Listen Gurkha Radio (गोर्खा रेडियो सुन्नुहोस)

काठमाडौँ । नेपाली काङ्ग्रेसका नेता प्रकाशमान सिंहले राष्ट्रिय सुरक्षाको विषयमा सरकारले सबै दलसँग वार्ता गरेर निकास निकाल्नुपर्ने बताएका छन् ।

नेपाल टेलिकम वर्कस युनियनको नवौँ क्षेत्रीय अधिवेशनको आज यहाँ उद्घाटन गर्दै उनले नेत्रविक्रम चन्द नेतृत्वको नेकपालाई प्रतिबन्ध लगाएर सरकारले देशलाई द्वन्द्वतर्फ धकेल्न खोजेको आरोप लगाए ।

‘राष्ट्रिय सुरक्षाका विषयमा सरकारले राष्ट्रिय दलको मान्यता प्राप्त दलसँग छलफल गर्नुपर्छ’, उनले भने ।

दुई तिहाइको बहुमत भएकाले अरु दललाई सरकारले चासो नदिएको उनको भनाइ थियो । नेता सिंहले सिके राउतसँग सरकारले गरेको समझदारी संविधान विपरीत भएको उल्लेख गरे ।

उनले नेपाल टेलिकमलाई अझ प्रभावकारी बनाउन कर्मचारी र व्यवस्थापन एकजुट भएर अगाडि बढ्न सबैलाई आग्रहसमेत गरे । अधिवेशन दुई दिनसम्म चल्नेछ ।

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1