चितवन । जन्ती बोकेर रत्ननगरबाट माडीतर्फ जाँदै गरेको बस आज दुर्घटना हुँदा एक जनाको मृत्यु भएको छ। बसमा सवार ११ जना घाइते भएका छन्।
मृत्यु हुनेमा माडी नगरपालिका–२ का २४ वर्षीय मिथुन चौधरी रहेको जिल्ला प्रहरी कार्यालयले चितवनले जनाएको छ। बस माडी नगरपालिका–१ बन्कट्टामा ना७ख २२८ नंको बस अनियन्त्रित हुँदा पल्टिएको थियो।
चौधरीको उपचारका क्रममा भरतपुर अस्पतालमा मृत्यु भएको हो। घाइतेको भरतपुर अस्पतालमा उपचार भइरहेको छ। घाइते मध्ये दुई जनाको अवस्था गम्भीर रहेको प्रहरीले जनाएको छ। चालक फरार छन्।
