“चिटिक्कै मलाई सुहायो” तीजको गीत लन्डन दूतावासमा विमोचन

गोर्खा अनलाइन रेडियो यूके,
लन्डन,विशेषगरि हिन्दू नारीहरुको रमाइलो पर्वको नामले परिचित हरितालिका तीजको अवसर पारेर यसै वर्ष गाइएको तीजको गीत” चिटिक्कै मलाई सुहायो” बोलको तीजको गीत तथा यसको म्यूजिक भीडीयो नेपाली दूतावास लण्डनद्वारा आयोजित तीज कार्यक्रमको अवसर पारेर विमोचन गरिएको छ । यस गीतमा लोक तथा दोहोरी गायक बद्रि पंगेनी र गायिका कला पंगेनी स्वर अनि नरेन्द्र बस्नेतको लय अनि शब्द रहेको छ । गायिका कला पंगेनी तीजको कार्याक्रमको सिलशिलामा हाल लन्डनमा भएकोले उनकै उपस्थितिमा नेपाली दूतावास लन्डनमा राजदूत धर्मपत्नी श्रीमती पुनम राज्यलक्ष्मी सुवेदी, प्रख्यात गायिका मीरा राणा र डा. रीता थापाको हातबाट उक्त गीतको संयुक्त रुपमा विमोचन गरिएको हो । विमोचनका क्रममा गायिका कला पंगेनीले उक्त गीत गाउँदा दर्शकले आँखाका आँशु थाम्न सकेनन नेपाली दूतावास लन्डनद्वारा आयोजित उक्त तीज कार्यक्रममा सयौंको संख्यामा बेलायतवासी नेपाली दिदीबहिनीहरुको उपस्थिति रहेको थियो ।

शिरैमा लाउने शिर फूल मेरो टल टल टलिकन्छ
अर्काकी छोरी बन्धनमा पारी आफु विदेश ढलिकन्छ
शिरैमा लाउने ढाकाको टोपी चिटिक्कै मलाइ सुहाउँछ
रहरले हैन म परदेश लागेको सानुकै यादले रुवाउँछ
सपनी मैले देखेकी छु अचेल भंवरा अन्तै डुलेको
विदेशी रमझम मन पर्यो तिमीलाई, छौ तिमि उतै भुलेको
न भोक तीर्खा न रातमा निन्द्रा प्रदेशी भूमीमा बांच्याचु
फर्केर आउछु केहि वर्षपछि त यो माया तिमीलाई नै साच्याछु

सामनायतया तीजमा माइतिसंग आफ्ना पीरव्यथा पोख्ने गरिन्छ भने यस गीतमा परदेश लागेका आफ्ना मायालुसंग पीर व्यथा पोख्न खोजिएको छ । गीतमा शब्दहरु राम्रो र शन्देशमूलक रहनुका साथै विदेशमा बस्ने नेपालीहरुको वास्तविकता लुकेको यथार्थपरक गीत रहेको गायक बद्रि पंगेनीको धारणा रहेको छ । तीजको मूल्य र मान्यताको सीमा नाघेर बजारमा थुप्रै गीतहरु आइरहेको हुँदा सबैले आफ्नो मौलिकता र संस्कृतिलाई जोगाउने प्रयास गर्नुपर्ने गायक पंगेनीले बताएका छन् । नरेन्द्र बस्नेतको शब्दमा एउटा देशभक्ति गीत गाउने धोको रहेको पनि पंगेनीले बताएका छन् । तेस्तैगरि गायिका कला पंगेनीले पनि गीत उत्कृष्ट रहेको र आफूले समाजमा विकृति फैल्याउने खालका गीतहरु नगाइ गीतमार्फत समाजलाई केहि शन्देश दिन सक्ने खालका गीतलाई नै प्राथमिकता दिंदै आएको बताइन । उत्कृष्ट शब्द, शन्देशमूलक अनि छाम छाम नाच्न मिल्ने यस गीतलाई धेरैले मन पराएको र हरेक कार्यक्रममा दर्शकहरुले दोहोर्याएर नाच्ने गरेको उनले बताइन । गत वर्ष गाइएको “पापी घरैमा” बोलको गीतले पनि निकै लोकप्रियता पाएको थियो । जुन गीत पनि नरेन्द्र बस्नेतको शब्दमा गायिका कला पंगेनी र खुमन अधिकारीले स्वर दिएका थिए । बाँकी फोटो हेर्नको लागि यहाँ क्लिक गर्नुहोला ।
[embedyt] https://www.youtube.com/watch?v=Y0eMbobLReE[/embedyt]

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित