विश्व हिन्दू महासंघ बेलायत च्याप्टर र पशुपतिनाथ सनातन समिती बेलायतद्वारा तीज कार्यक्रम गरिंदै

/ २० भाद्र २०७५, बुधबार २१:०९ प्रकाशीत

गोर्खा अनलाइन रेडियो यूके,

लन्डन, यही सेप्टेम्बर १२ तारिख तदनुसार भाद्र २७ गते बुधवारका दिन विश्व हिन्दू महासंघ बेलायत च्याप्टर र पशुपतिनाथ सनातन समिति बेलायतको संयुक्त आयोजनमा नेपाली नारीहरूको महान् चाड हरितालिका तीजको विशेष कार्यक्रम गरिने भएको छ । कार्यक्रमलाई थप मनोरन्जनात्मक बनाउन डीजे लगायत कलाकारको पनि ब्यबस्था गरीएको आयोजकले जानकारी दिएको छ । कार्यक्रममा उपस्थिती हुनको लागि सम्पूर्ण बेलायतवासी नेपाली दिदीबहिनीहरुलाई विश्व हिन्दू महासंघ बेलायत च्याप्टर र पशुपतिनाथ सनातन समितिले तीजको शुभकामना सहित हार्दिक निमन्त्रणा गरेको छ । लण्डनको साउथहलस्थित लेडी मार्गारेट रोडमा अवस्थित विश्व हिन्दू मन्दिरमा आयोजना गरिने सो कार्यक्राम विहान १० बजेदेखि सांझा ५ बजेसम्म संचालन हुनेछ ।