तेइस खेलाडी बन्द प्रशिक्षणमा

काठमाडौँ – एएफसी यू–१६ महिला च्याम्पियनसिप छनोट प्रतियोगिताका लागि नेपाली फुटबल टोलीका लागि बन्द प्रशिक्षण शुरु गरिएको छ ।

नेपालमा आगामी असोज ३ गतेदेखि आयोजना हुने उक्त छनोट प्रतियोगिताका लागि २३ महिला खेलाडी बन्द प्रशिक्षणमा छन् । छनोट प्रतियोगिताको समूह ‘ई’ मा रहेको नेपालले आइतबारबाट बन्द प्रशिक्षण थालेको नेपाली टोलीका मुख्य प्रशिक्षक गंगा गुरुङले जानकारी दिनुभयो ।

बन्द प्रशिक्षणमा सावित्री किसान, पूजा थापा, करिना धिमाल, खुस्मा राई, पुष्पा गुरुङ, सुरक्षा सिंह, सविना चौधरी, मनमाया परियार, प्रिती राई, सुष्मा तामाङ, मनिषा विष्ट, अस्मिता चौधरी, सविता रानामगर, निकिता थोकर, चन्द्रा भण्डारी, सुरक्षा सुक्रीया, मनिका घर्तीमगर, मुना मगर, श्रीषा कार्की, सुनिता सुनार, सजनी थोकर, मन्दिरा रहि र जुनु मगर सहभागी छन् ।

छनोटको लागि नेपालले पहिलो चरणमा २३ खेलाडीलाई बन्द प्रशिक्षणमा राखेको हो । बन्द प्रशिक्षणमा भुटानमा हालै सम्पन्न यू–१५ साफ च्याम्पियनसीप खेलेका अधिकांश खेलाडी छन् । मुख्य प्रशिक्षक गुरुङसहित सहायक प्रशिक्षकमा श्याम मानन्धर र गोलकिपर प्रशिक्षकमा विनोद महर्जन तथा टोलीको व्यवस्थापकमा नन्दकला थापा रहनुभएको छ ।

छनोट प्रतियोगिताको समूह ‘ई’ मा नेपालसहित फिलिपिन्स, मलेसिया र म्यानमार रहेका छन् । काठमाडौँमा आगामी असोज ३ देखि ७ गतेसम्म हुने उक्त प्रतियोगिताअन्तर्गत नेपालले पहिलो खेल असोज ३ गते फिलिपन्ससँग, दोस्रो खेल ५ गते म्यानमार तथा अन्तिम खेल ७ गते मलेसियासँग खेल्नेछ । यू–१६ महिला च्याम्पियसीप सन् २०१९ मा थाइल्यान्डमा हुनेछ । छनोट प्रतियोगिताका सबै खेल हल्चोकस्थित सशस्त्र प्रहरी बलको खेल मैदानमा हुनेछन् । समूह विजेताले दोस्रो चरणको यात्रा तय गर्ने छ । आयोजक थाइल्याण्डसहित, जापान, दक्षिण कोरिया र उत्तर कोरिया अर्को चरणका लागि छनोट भइसकेका छन् ।
रासस

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित