Breaking News
Home > Blog > दुर्घटनामा गर्भवती महिलाको मृत्यु, पेट फुटेर निस्केकी छोरी सकुशल

दुर्घटनामा गर्भवती महिलाको मृत्यु, पेट फुटेर निस्केकी छोरी सकुशल

Listen Gurkha Radio (गोर्खा रेडियो सुन्नुहोस)

कहिलेकाही हामीले सोच्दै नसोचेका आश्चर्यजनक घटनाहरु हुन्छन् र चमत्कारिक रुपमा निकै जोखिमपूर्ण अवस्थामा रहेकाको ज्यान बाँच्छ । ब्राजिलमा यस्तै आश्चर्यजनक घटना भएको छ । यहाँ एक गर्भवती महिलाको दुर्घटनामा परेर मृत्यु भएको छ । तर, उनको गर्भमा रहेकी छोरी आमाको गर्भ फुटेर बाहिर सडकमा खसिन् । चमत्कारिक रुपमा संसारमा आएकी बालिका भने सुरक्षित रहेको बताइएको छ ।

घटना शनिबार भएको हो । काठका गोलया लिएर गइरहेको ट्रक शनिबार दिउँसो साओ पाउलो र क्युरिटिबाको बीचमा जाँदा सडकमै पल्टियो । यो ट्रकमा एक गर्भवती महिला लिफ्ट लिएर जाँदै थिइन् । दुर्घटनामा ती गर्भवती महिलाको मृत्यु भयो र ट्रक चालक घाइते भए । दुर्घटनाको सूचना पाएपछि प्रहरी तत्कालै उद्धारको लागि घटनास्थलतर्फ गयो ।

घटनास्थलमा पुगेर प्रहरीले काठका गोलिया हटाउँदा त्यहाँ दबिएको महिलाको शव भेटियो । महिलाको पेट फुटेको थियो । त्यहाँबाट केही दूरीमा नवजात बालिका रोइरहेकी भेटिइन् । प्रहरीले तत्काल एम्बुलेन्स बोलाएर बालिकालाई अस्पताल पठायो । अस्पतालले बालिकालाई गियोवान्ना नाम राखिदिएको छ । जसको अर्थ हुन्छ – भगवानद्वारा बचाइएकी । बालिकाका परिवारको खोजी भइरहेको छ । बालिकाका परिवार भेटिएमा उनलाई परिवारको जिम्मा लगाइनेछ नभेटिएमा अनाथालयमा राखिनेछ ।
डिसी नेपाल

गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोलाANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ Untitled-1