सभापति देउवालाई रक्षात्मक बनाउन पौडेल पक्षको छुट्टै भेला

काठमाडौं। संसदीय निर्वाचनमा पार्टीले व्यहोरेको पराजयपछि आन्तरिक विवादमा फसेको कांग्रेसभित्र पुन गुटको राजनीतिले तिव्रता पाएको छ। पछिल्लो समय ‘गुटै गुट’ मा विभाजित कांग्रेसभित्र सभापति शेरबहादुर देउवालाई एक्ल्याउने कसरत सुरु भएको छ।

सभापति देउवाले मनोमानी र एकलौटी ढंगले पार्टी संचालन गरेको भन्दै आलोचना भइरहेका बेला सोमबार वरिष्ठ नेता रामचन्द्र पौडेल, पूर्वमहामन्त्री कृष्ण सिटौला, अर्जुननरसिंह केसी, प्रकाशमानसिंहलगायतका नेताले आफू निकट केन्द्रीय सदस्यको छुट्टै भेलाको आयोजना गरेका छन्।

राजधानीको एक सहकारी कार्यालयमा बस्ते उक्त भेलामा सभापति देउवाको काम कारवाहीका विषमया समीक्षा हुने बताइएको छ।
एकलौटी ढंगले पार्टी संचालन गरेको भन्दै सभापति देउवाको व्यापक आलोचन भएको थियो।

आफ्नो आलोचनापछि देउवाले पार्टी सधारकालागि गरेका प्रतिबद्धता कार्यान्वयन भए नभएको विषयमा भेलामा समीक्षा हुने बताइएको छ। भेलामा महासमिति बैठक बोलाएपनि विधान मस्यौदा समिति लगायतका समिति गठन गर्ने विषयमा देउवाले जनाएको प्रतिवद्धता कार्यान्वयनतर्फ चासो नदेखाएकाले कसरी अघि बढ्ने भन्ने विषयमा छलफल हुनेछ।

भेलामा १४ औं महाधिवेशनका विषयमा पनि छलफल हुनेछ। पछिल्लो समय नेता रामचन्द्र पौडेल सभापति देउवासँग मिलेको भन्ने चर्चा भएपछि पौडेलले सो विषयमा सोमबारको भेलामा स्पष्टिकरण दिने बताइएको छ। यसअघि देउवालाई साथ दिएका नेताहरु कृष्ण सिटौला र अर्जुननरसिंह केसीलगायत देउवासँग असन्तुष्ट भन्दै पौडेल पक्षमा आएका छन्।

पौडेल, सिटौला र केसी पक्ष एक ठाउँमा हुँदा पछिल्लो भएका भातृसंगठनको चुनावमा देउवा पक्ष पराजित हुँदै आएको छ। आगामी १४ औं महाधिवेशनमा पनि पौडेल, सिटौला र केसी पक्ष एक ठाउँमा उभिएको अवस्थामा देउवा पक्ष रक्षात्मक हुने कांग्रेसवृत्तमा चर्चा छ।

डिसी नेपाल

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित