डुबानबाट २२ घरपरिवार विस्थापित

धनगढी – अविरल वर्षाका कारण कैलालीको दक्षिणपूर्वी क्षेत्रमा नदीमा बढेको पानी गाउँमा पस्दा भजनी नगरपालिका र आसपासका २२ घर परिवार विस्थापन भएका छन् ।

सो क्षेत्रका काँन्द्रा, काँडा र पथरैया नदीमा बढेको पानी गाउँमा पसेपछि विस्थापन भएका भजनी नगरपालिका, पुलियापुर गाउँका १४ घरपरिवार र धामीधारा गाउँका आठ परिवारलाई उद्धार गरी सुरक्षित स्थानमा राखिएको इलाका प्रहरी कार्यालय हसुलियाका प्रहरी निरीक्षक राजेन्द्रबहादुर चन्दले बताउनुभयो ।

यसैगरी भजनी आसपासको हुलाकी राजमार्गदेखि उत्तरतर्फका लालबोझी, नौबस्ता, कुटी, काँडालगायत गाउँका झण्डै २०० घरमा पानी पसेपछि प्रभावित भएका छन् । “कतिपयलाई स्थानीय क्षेत्रमा बनाइएको ‘सेफ हाउस’ मा राखिएको छ”, प्रहरी निरीक्षक चन्दले भन्नुभयो, “अन्य कतिपय परिवारले हुलाकी राजमार्गलाई ‘सेल्टर’ का रुपमा प्रयोग गरेका छन् ।” सहायक प्रमुख जिल्ला अधिकारी जनकराज भट्टले जिल्लाका बाढी डुबानका जोखिम क्षेत्र पहिचान गरी पूर्वतयारीस्वरुप सबैलाई तयारी अवस्थामा राखिएको जानकारी दिनुभयो ।

कैलालीको दक्षिणी भेगमा पूर्वपश्चिम हुँदै निर्माण गरिएको हुलाकी राजमार्गले कतिपय क्षेत्रमा डुुबानको समस्या निम्त्याउने गरेकामा होचो भागमा बस्ने कतिपय बस्तीका बासिन्दाका लागि भने राजमार्गले ‘सेल्टर’ का रुपमा काम गरेको छ । गत वर्ष बाढीका समयमा भजनी क्षेत्रका सयांैँ परिवारले करीब तीन हप्तासम्म हुलाकी राजमार्गमै त्रिपाल टाँगेर बास बस्नुपरेको थियो । ठूलो वर्षा हुने सम्भावना अझै रहेकाले नदी तटीय क्षेत्रका बस्तीलाई सजग रहन जल तथा मौसम विज्ञान विभाग स्थानीय कार्यालयले आग्रह गरेको छ ।
रासस

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित