उत्कृष्ट काम गर्ने आठ प्रहरी पुरस्कृत

काठमाडौँ – महानगरीय प्रहरी परिसर काठमाडौँले उत्कृष्ट काम गर्ने आठ प्रहरीलाई नगदसहित सम्मान गरेको छ ।

परिसरले नेपाल बंगलादेश बैंकसँग गरेको सम्झौतामा स्थापना भएको ‘काठमाडौँ प्रहरी अवार्ड’द्वारा आज जवानदेखि अधिकृतसम्मलाई सम्मान गरेको हो । महानगरीय प्रहरी वृत्त, महाराजगञ्जका प्रहरी नायब उपरीक्षक योगेन्द्रसिंह थापा र बालाजु वृत्तका प्रमुख विश्वराज खड्कालाई संयुक्तरुपमा रु ५० हजार प्रदान गरियो । त्यस्तै, महानगरीय प्रहरी प्रभाग, कोटेश्वरका प्रहरी निरीक्षक राजु लामा र नागढुङ्गा प्रभागका प्रहरी निरीक्षक केशवदत्त भट्टलाई संयुक्त रुपमा रु ३५ हजार प्रदान गरियो ।

यस्तै, महानगरीय प्रहरी परिसर काठमाडौँका प्रहरी नायब निरीक्षक धनसिंह ऐरी र महानगरीय प्रहरी कार्यालय, भृकुटीमण्डपका अजयजंग थापाले संयुक्तरुपमा रु २५ हजार प्राप्त गर्नुभयो ।

यसैगरी, महानगरीय प्रहरी प्रभाग, गोँगबुका प्रहरी हवल्दार ढालबहादुर क्षेत्रीले रु १५ हजार र महानगरीय प्रहरी वृत्त, कीर्तिपुरमा कार्यरत प्रहरी जवान केशव महताराले रु १० हजार प्राप्त गर्नुभयो ।

पुरस्कृत हुनेलाई आज एक कार्यक्रमकाबीच परिसरका प्रमुख विश्वराज पोखरेल र नेपाल बंगलादेश बैंकका कार्यकारी अधिकृत ज्ञानेन्द्रप्रसाद ढुंगानाले पुरस्कार प्रदान गर्नुभयो ।
रासस

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित