छरपष्ट तारहरुको भूतले मृत्युको भय

सरु पौडेल , काठमाण्डौ – हामी कैयौँ ठाउँमा विजुलीको भुइँमा लत्रेको तारमा करेन्ट लागेर मृत्यु भएको खबर पाउँछौँ । काठमाण्डौको विभिन्न ठाउँहरुमा विजुली ,केबल तथा टेलिफोनका यस्ता नाङ्गा तारहरु एकै ठाउँमा भद्रगोल तरिकाले मान्छे बाटोमा हिँड्दा तर्साउने गरी गन्जागोल तरिकाले जेलिएका छन् । राज्यको केन्द्र मानिएको राजधानीमा त तारहरु यस्तो हालतमा छन् भने अरु ठाउँको हालत के होला ?
यसरी तारहरुले मनिसको टाउको छुनेसम्म त स्वभाविक नै भइसक्यो तर घाँटीमै रेटिन पनि आउँछन् यी तारहरु । विद्युतीय शक्ति जस्तो संवेदनशील कुरामा पनि सरकार तथा सरोकारवाला निकाय यतिसम्म चरम लापारबाही गर्छ भने अरु कुराको के वास्ता होस् ।
यस्ता कुरामा न राज्य सरकारको ध्यान छ न सरोकारवाला निकायको नै । हामीले यो रिपोर्ट सिंहदरबार अगाडि रहेको विजुली , टेलिफोन ,नेट तथा केबलका एकै ठाउँमा जेलिएको तारको तयार पारेका हौँ । राजधानीको नै केन्द्र रहेको सिंहदरबारको नजिक त तारहरु यतिसम्म छरपष्ट छन् भने अन्त कस्तो हालत होला ?
विजुलीको तारबाट करेन्ट लागेर मृत्य भएका कैयौँ खबर सुनिरहँदा यसरी तारहरु छरपष्ट भएको देख्दा मृत्युको भय किन नहोस् । यहाँका वासिन्दाले पटक पटक विद्युत प्राधिकरणलाई भन्दा पनि वास्ता नै नगरेको गुनासो गर्दछन् । हनुमानस्थान अगाडि व्यवसाय गरेर बस्ने व्यवसायी ( राजु थापा, दयाानीधि खनाल, प्रकाश खनाल ,भोजराज पाण्डे ,दिपक शर्मा)ले भने –‘ यी तारहरु यस्तो छरपष्ट भएको वर्षौँ भइसक्यो ,हामीले विजुलीको अरु काम गर्न आउँदा तथा केबलको ,टेलिफोनको जुनसुकै निकायका कर्मचारीहरुलाई पनि भन्यौँ तर उनीहरुले वास्ता नै गरेनन् , बाटोमा हिँड्दा पनि करेन्ट लाग्छ कि भनेर डराई –डराई हिँड्नुपर्ने अवस्था छ ।’
राज्य सरकारको यस्तो चरम लापारबाहकिो कारणले मानिसहरुले अकालमै अमूल्य जीवन गुमाउनुपरेको छ ।

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित