चलचित्र ‘शत्रु गते’ बेलायतका बिभिन्न स्थानहरुमा प्रदर्शन गरिंदै

गोर्खा अनलाइन रेडियो यूके,

लण्डन । करिब एक दशकको अन्तरालपछि पुन चलचित्र क्षेत्रमा फर्किएका मह जोडीको पछिल्लो चलचित्र ‘शत्रु गाते’ ले देश विदेशमा निकै लोकप्रियता हाँसिल गर्न सफल भएको छ । नेपालमा अत्यधिक सफलता प्राप्त गरिसकेको उक्त चलचित्रलाई बेलायतस्थित नेप्लिज इन्टरटेनमेन्ट यूकेले प्रदर्शनीको लागि बेलायतमा ल्याएर सफल प्रदर्शन गरेको छ भने अन्य विभिन्न स्थानहरुमा समेत प्रदर्शनीको तय भैसकेको हो । भर्खरै मात्र बेलायतस्थित अल्डरटको प्रिन्सेस हलमा गरिएको प्रदर्शनमा करिब ५ सय दर्शकले अवलोकन गरेका थिए । पहिलो शो को सफल प्रदर्शन पछि अन्य स्थानहरुमा पनि थप प्रदर्शनीको लागि हौसला मिलेको आयोजकले बताएका छन् । चलचित्र प्रदर्शन गर्नु अघि भर्खरै मात्र निधन भएकी  चलचित्रको निर्मातामध्येकी एक तथा कलाकार मदनकृष्ण श्रेष्ठकी पत्नी यशोधा सुवेदीको स्मरणमा शोक व्यक्त गर्दै एक मिनेट मौनधारण समेत गरिएको थियो । महजोडीले बनाएको चलचित्र शत्रु गतेलाई प्रदिप भट्टाईले निर्देशन गरेका हुन् । उक्त चलचित्रमा मदनकृष्ण श्रेष्ठ, हरिवंश आचार्य, दीपकराज गिरी, दीपाश्री निरौला, शिवहरि पौड्याल, पल शाह, प्रियंका कार्की, आँचल शर्मा, बसुन्धरा भुषाल, किरण केसी, राजाराम पौडेल, अन्जु महर्जन, राजु भुजु, रवि शर्मा, मोहितवंश आचार्य र नरेन्द्र कंसाकारको अभिनय रहेकोछ । एघार वर्षअघि महको ब्यानर महसञ्चारबाट फिल्म ‘जे भो राम्रै भो’ बनाएपछि चलचित्र निर्माणबाट भूमिगत भएका यो जोडीले नयाँ फिल्म ‘शत्रु गते’ को निर्माण गरेको हो । देशको प्रतिकूल अवस्थाका कारण फिल्म निर्माणको क्षेत्रमा आफूहरुले विश्राम लिएको कलाकार हरोवंश आचार्यले बताएका छन् ।

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित