एआइजीकी श्रीमती भन्दै ठगी गर्ने महिला पक्राउ

Listen Gurkha Radio (गोर्खा रेडियो सुन्नुहोस)

काठमाडौं । आफूलाई राष्ट्रिय अनुसन्धान विभागमा कार्यरत् एआईजीको श्रीमति बताउने युवतीको भर पर्दा नेपाली सेनाका बहालवाला कर्मचारी नै ठगिएका छन् ।

काठमाडौं प्रहरी परिसरले सेनाका कर्मचारीलाई शान्ति सेनामा पठाइदिने भन्दै ठगी गरेको अभियोगमा ३ जनालाई पक्राउ गरेसँगै यो रहस्य सार्वजनिक भएको हो ।

पक्राउ पर्नेमा आफूलाई एआईजीको श्रीमति बनाउने तनहुँको व्यास–११ की ४० वर्षीय यमुना खड्का, सेनाको बहालवाला जर्नेलको पिए भएको बताउने लमजुङको चन्द्राश्वर–४ घर भइ काठमाडौंको तारकेश्वर–११ बस्ने २८ वर्षीय मोहन दुरा र कास्कीको रुपा गाउँपालिका घर भइ हाल काठमाडौंको बनस्थल बस्दै आएका ३९ वर्षीय रमेश कुमाल छन् ।

उनीहरुले राष्ट्रिय अनुसन्धान विभागका सिपाहीका लागि प्रति व्यक्ति दुई लाख रुपैयाँ, सेनाको सेकेण्ड लेफ्टिनेन्टका लागि ७ लाख रुपैयाँ, शान्ति सेनामा पठाउनका लागि दुई लाख तथा पोल्याण्ड लगायतका अन्य देश पठाउनका लागि १ लाख ५० हजार रुपैयाँका दरले रकम असुल्ने गरेका थिए । त्यसरी उनीहरुले सेनाका बहालवाला अधिकारीसहित अन्य २५ युवाबाट असुली गरेको काठमाडौं प्रहरी परिसरले जनाएको छ ।

काठमाडौं प्रहरी प्रमुख एसएसपी विश्वराज पोखरेलका अनुसार उनीहरुले त्यसरी १ करोड १५ लाख रुपैयाँ उठाएका थिए ।

उनीहरुलाई जिल्ला अदालत, काठमाडौंबाट ७ दिनलाई म्याद थप गरी ठगी मुद्दा अन्तरगत अनुसन्धान भइरहेको प्रहरीले जनाएको छ ।
-अनलाइन खबरबाट ।
गोर्खा अनलाईन रेडियो सुन्नको लागि IOS प्रयोगकर्ता हरुले यहाँ क्लिक गर्नुहोला र ANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ । Untitled-1

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित