अफ्रिकी मुलुक टोगोमा पुगेका चार जना नेपालीको उद्धार

मानव तस्करले अमेरिका लैजाने भनी पश्चिमी अफ्रिकी मुलुक टोगो पुर्याएर अलपत्र पारेका बागलुङका ४ जना सहित ६ जना नेपालीको उद्धार गरिएको छ। जनही २५ देखि ३५ लाख रुपैयाँसम्म मानव तस्करलाई बुझाएर अमेरिका हिँडेका उनीहरु ११ महिनापछि नेपाल फर्काइएका हुन्।
मानव तस्करले उनीहरुलाई २ महिना दिल्ली, ३ महिना थाइल्यान्ड र ६ महिनादेखि टोगोमा राखेका थिए। उद्धार गरिएकाहरुमा बागलुङका महेश्वर आचार्य, कमलबहादुर घर्ती, मनबहादुर श्रीस पुन, अशोक पौडेल तथा सिन्धुपाल्चोकका जीवन श्रेष्ठ र सोनाम छिरी शेर्पा छन्।उनीहरूका साथमा राहदानी र अरु कागजात समेत नरहेको एवं घरफिर्ती टिकटका लागि खर्च समेत नभएको अवस्थामा टोगोस्थित गैरआवासीय नेपालीको समन्वयमा नेपाल फिर्ता गरिएको हो। ६ महिनादेखि टोगोमा अलपत्र परेका उनीहरुले चैतको पहिलो साता नेपालमा रहेका परिवारमार्फत् उद्धारका लागि पहल गरिदिन आग्रह गरेका थिए। उद्धारका लागि परराष्ट्र मन्त्रालय एवं गैरआवासीय नेपाली संघमार्फत् पहल भएकाे थियाे।
नाइजेरिया बसोबास गर्ने गैरअावासीय नेपाली संघका केन्द्रीय कोषाध्यक्ष हिक्मत थापाले उद्धारको पहल गरेका थिए। राहादानी र अावश्यक कागजात समेत नभएकाे अवस्थाबाट उद्धार गर्न सफल भएकोमा थापाले परराष्ट्र मन्त्री प्रदीप ज्ञवाली, दक्षिण फ्रिकाका लागि नेपाली राजदूत अमृतबहादुर राई, विष्णु गौतम, एनआरएनए सचिव डीपी क्षेत्र एवं एनआरएनए नाइजेरियालाई धन्यवाद दिएका छन्।
-ढोरपाटन दैनिकबाट ।

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित