खेलौनाको निहुँमा बालिकाको हत्या

<strong>Listen Gurkha Radio (गोर्खा रेडियो सुन्नुहोस)</strong>
<iframe src=”http://tunein.com/embed/player/s261730/”
style=”width:100%;height:100px;” scrolling=”no” frameborder=”no”></iframe></code>

पोखरा । खेलौनाको निहुँमा पोखरामा एक बालिकाको हत्या भएको छ ।

पोखरा लेखनाथ महानगरपालिका-९ नयाँबजारमा रहेको निट एण्ड क्लिन सर्भिस प्वाइन्टमा काम गर्ने १४ वर्षीय पुन थरका किशोरले पाल्पा घर भइ पोखरा लेखनाथ महानगरपालिका-९ निवासी विना थापाकी ५ वर्षीया छोरी विहानीको हत्या गरेका हुन् ।

 

प्रहरीका अनुसार आइतबार साँझ खेल्नका लागि विहानी घरबाट ९ वर्षीय दाजुसँग बाहिर निस्केकी थिइन् ।

खेल्ने क्रममा घर नजिकै रहेको वर्कसप ‘निट एण्ड क्लिन सर्भिस प्वाइन्ट’मा काम गर्ने किशोर आए । एकछिन सँगै खेलेपछि पुन थरका किशोर र बहिनी विहानी वर्कसप भन्दा केही पश्चिमबाट दक्षिणतर्फको बाटो लागे । विहानीका दाजु भने घर फर्किए ।

राति ८ बजेसम्म पनि विहानी घरमा नफर्केपछि उनको खोजी सुरु भयो । सुरुमा त आमालाई खेल्न गएकी छोरी केहिबेरमा फर्किन्छिन भन्ने थियो तर रातिसम्म घर नफर्केपछि प्रहरीलाई समेत खबर भयो ।

त्यस क्रममा विहानीका दाजुबाट बहिनीसँग वर्कसपमा काम गर्ने पुन थरका किशोर रहेको थाहा भयो । र, उनलाई प्रहरीले केरकार गर्ने वित्तिकै उनले हत्या गरेर शव पुरेर आएको खुलासा भयो । साँझ ७ बजे हराएकी विहानीको शव राति १० बजे भेटिएको थियो ।

ढुंगाले हानेर हत्या

प्रहरीका अनुसार किशोरले प्रारम्भिक बयानका क्रममा हत्या स्वीकार गरिसकेका छन् ।

किशोरका अनुसार रिमोटबाट चल्ने खेलौना खेल्ने क्रममा खोसाखोस भयो । खोसाखोसको क्रममा किशोरले खेलौना आफ्नो हातमा पार्न बालिका विहानीलाई ढुंगाले टाउकोमा प्रहार गरे ।

ढुंगाले हानेपछि विहानीको टाउकोबाट रगत आयो र रुन/कराउन थालिन्, त्यहीँ बेला किशोरले विहानीको आमाले थाहा पाए आफूलाई पिट्ने सोचेर नजिकैको खाली बोराले घाँटी कसेर हत्या गरे ।

हत्यापछि नजिकै रहेको खुल्लाचौरको झाडीमा लगेर सिमेन्टको १२/१५ वटा बोराले छोपे र कसैले नदेखोस् भनेर टाउको तिर सिमेन्टको बोरामा आधा भरिएको वालुवाले टाउको छोपिदिए ।

किशोरले हत्या गर्दा कपडामा रगत लागेपछि त्यो कपडा बाकसमा राखेको बयानसमेत दिएका छन् ।

तर, केहिबेरपछि नै उनले हत्या गरेको कुरा प्रहरीको केरकारमा खुल्यो । हत्यामा संलग्न पुनको स्थायी घर र आफन्त पत्ता नलागेको प्रहरीले जनाएको छ ।

उनी एक महिना अघिमात्र वर्कसपमा काम गर्न थालेको खुलेको छ । यसअघी उनी स्याङ्जामा अंकल पर्नेको घरमा काम गरेको खुलेपनि अंकलको नाम नखुलेको प्रहरी श्रोतको भनाइ छ ।

कास्कीका प्रहरी प्रमुख प्रहरी उपरीक्षक (एसपी) अशोक सिंहले बालिकाको हत्या नै भएको बताए ।

उनले खेलौनाको निहुँमा हत्या भएको देखिएको भन्दै बलात्कार भए/नभएको बारे भने पोष्टमार्टम रिपोर्ट आएपछि मात्र भन्न सकिने बताए ।

किशोरमा मानसिक समस्या भए जस्तो देखिएको कास्कीका प्रहरी प्रवक्ता प्रहरी नायव उपरीक्षक -डीएसपी) खड्कबहादुर खत्रीले जानकारी दिए ।

डीएसपी खत्रीका अनुसार किशोरले सानैदेखि आफूले खेपेका अभाव र समस्याहरु डायरीमा लेख्ने गरेको र त्यो हेरेर विक्षिप्त हुनेगरेको खुलेको छ ।

मृतक बालिका विहानीको शव पोष्टमार्टमका लागि पोखरा स्वास्थ्य विज्ञान प्रतिष्ठानमा राखिएको छ ।
पोष्टमार्टमपछि परिवारलाई शव बुझाइने प्रहरीले जनाएको छ । यसैबीच, मृतक विहानीको आमा छोरीको हत्या भएपछि विक्षिप्त बनेकी छन् ।

उनी कहिले बेहोस् हुने त कहिले छोरी विहानी भन्दै बर्बराउने गरेकी छन् । विहानीका बुबा भने नवलपरासीबाट पोखरा आउँदै गरेको पारिवारिक श्रोतले जनाएको छ ।

  • अनलाइन खबरबाट ।

<code><strong>गोर्खा अनलाईन रेडियो सुन्नको लागि</strong> <a href=”https://appsto.re/gb/L0lgab.i” target=”_blank”><strong>IOS प्रयोगकर्ता हरुले यहाँ क्लिक गर्नुहोला</strong></a> र <a href=”http://tunein.com/radio/Gurkha-Radio-s261730/” target=”_blank”><strong>ANDROID तथा कुनै पनि साधनबाट सुन्नको लागि यहाँ क्लिक गर्नुहोला । यदि हामीलाई सम्पर्क गर्न चाहनुहुन्छ भने <a href=”http://www.gurkharadio.com/contact“><strong>यहाँ क्लिक गर्नुहोला । साथै तलका मोबाईल एप्लिकेशनबाट पनि सुन्न सक्नुहुनेछ </strong></a>। <img src=”http://www.gurkharadio.com/wp-content/uploads/2016/07/Untitled-1.jpg” alt=”Untitled-1″ width=”955″ height=”82″ class=”aligncenter size-full wp-image-5651″ /></strong> </a></code>

SHARE:

संबन्धित शिर्षकहरु

ताजा अपडेट

दसैँको टीकाको उत्तम साइत कात्तिक ४ गते बिहान १०ः२६ बजे

लन्डनमा नेपालीको घरमा राति लुटपाट, प्रतिकार गर्दा दम्पतीमाथि आक्रमण

लन्डनमा नेपालको ९२ वर्षे कूटनीतिक विरासत, २४औँ राजदूतमा गौरव शमशेर राणा

गोर्खा आन्दोलन सफल नभएसम्म भोजभतेर र राजनीतिक कार्यक्रममा नजाने भेट्रान राईको घोषणा

गोर्खा समस्या समाधान गर्न बेलायत सरकारलाई डिसेम्बर ३१ सम्म अल्टिमेटम, माग पूरा नभए आन्दोलन गर्ने

लन्डनका फेसन उद्यमी लामिछानेको फाउण्डेशनले बाढीपीडितलाई एक करोड ७ लाख प्रदान

फ्लाईदुबईको विमान साउदीमा आकस्मिक अवतरण, पाइलटले खसाल्न खोजेको नेतन्याहुको दाबी

संयुक्त राष्ट्रसङ्घको ८१औँ महासभा सम्पन्न, छलफल कृत्रिम बुद्धिमत्तामा केन्द्रित