काठमाडौं । नेपालमा कोरोना भाइरसबाट संक्रमित हुनेको संख्या ३ हजार ४ सय ४८ पुगेको छ । आज थप २ सय १३ जनामा सङ्क्रमित भएको स्वास्थ्य मन्त्रालयको पत्रकार सम्मेलनमा मन्त्रालयका प्रवक्ता डा. विकास देवकोटाले जानकारी दिएका छन् ।
यसरि थप सङ्क्रमित हुनेहरुमा २०९ जना पुरूष र चारजना महिला रहेका छन् । आज दुईमहिलासहित १ सय दुईजना डिस्चार्ज भएका छन् ।
हालसम्म नेपालमा कुल डिस्चार्ज हुनेको सङ्ख्या ४ सय ६७ जना रहेका छ । अहिलेसम्म सङ्क्रमित हुने जिल्लाको संख्या ७१ पुगेको छ । अहिलेसम्म कोरोनाका कारण नेपालमा १३ जनाको ज्यान गैसकेको छ ।
विगत ७६ दिनदेखि नियमित पत्रकार सम्मेलन दिंदै आएका मन्त्रालयका प्रवक्ता डा. विकास देवकोटाको आजको अन्तिम पत्रकार सम्मेलन हुनेछ ।
भोलिबाट उनको ठाउँमा डा जागेश्वर गौतम प्रवक्ताको रुपमा रहने डा. देवकोटाले जानकारी दिएका छन्
