Tuesday , November 21 2017
Home > Blog > सपन इन्टरटेनमेन्टद्वारा तीज धमाका २०१७ सम्पन्न

सपन इन्टरटेनमेन्टद्वारा तीज धमाका २०१७ सम्पन्न

Listen Gurkha Radio (गोर्खा रेडियो सुन्नुहोस)

लन्डन, नारीहरुको महान पर्व तीजको अवसर पारेर सपन इन्टरटेन्मेंट लिमिटेडले गत आइतबार अल्डरसटस्थित द प्यालेस हलमा तीज विशेष कार्यक्रम सम्पन्न गरेको छ । विगत १६ वर्षदेखि तीज कार्यक्रमलाई निरन्तरता दिंदै आएको सपन इन्टरटेनमेन्ट लिमिटेडले यसपटक पनि राजदूत पत्नी पुनम राज्यलक्ष्मी सुवेदीको प्रमुख आतिथ्यमा तीज कार्यक्रम सम्पन्न गरेको छ । उक्त तीज कार्यक्रममा शुभकामना मन्तव्य दिंदै प्रमुख अतिथिई सुवेदीले नेपालीहरुले प्रवासमा बसेर पनि आफ्नो संस्कृति र परम्परालाई निरन्तरता दिएकोमा खुसी व्यक्त गरिन । वर्षभरिका दुख पीडालाई भुलेर रमाइलोसंग नाचगान गर्ने नारीहरुको मौलिक पर्व तीज एकापसमा मित्रता, सहिष्णुता सहयोग अभिवृद्धि गराउने माध्यम भएकोले यसलाई सबैले मिलेर निरन्तरता दिंदै जानुपर्ने धारणा व्यक्त गरेकी थिइन् । नेपाली दूतावास लन्डनमा आगामी अगष्ट २० तारिखका दिन हुन गैरहेको तीज कार्यक्रममा सम्पूर्ण महिलाहरुलाई निमन्त्रणा समेत गरेकीछन् । विभिन्न किसिमका गरगहना र रातो पहिरनमा सजिएका झन्डै दुई सय जना महिलाहरुको सहभागीता रहेको उक्त कार्यक्रममा तीजका गीतहरुमा नाचेर सबैले रमाइलो गरेका थिए । गतवर्ष भने कार्यक्रमको अत्यधिक चापले गर्दा तीज कार्यक्रम नगरिएको र यसपटक दिदीबहिनीहरुको विशेष अनुरोधमा तीज कार्यक्रमको आयोजना गरिएको निर्देशक सपन कुमार राइले बताएका छन् ।

श्रीमती पुनम राज्यलक्ष्मी सुवेदीद्वारा तीजको उपलक्ष्यमा प्रस्तुत शुभकामना शन्देश

Check Also

पर्वत वेलफेएर सोसाइटी यूकेद्वारा आचार्य र गिरि सम्मानित

Listen Gurkha Radio (गोर्खा रेडियो सुन्नुहोस) लन्डन– गत आइतबारका दिन लन्डनस्थित अल्डरसटको एम्पाएर हलमा पर्वत …